Mga Salmo 91

1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150

☆☆☆

Ang Dios Aton Mangangapin

1 Ang bisan sin-o nga nagadangop sa Labing Mataas, ang bisan sin-o nga nagapabilin sa idalom sang pagpangapin sang Labing Makagagahom,
2 makasiling sa GINOO, “Ikaw ang akon palalipdan kag mangangapin! Ikaw ang akon Dios, sa imo nga akon nagasalig ako.”
3 Sia magaluwas gid sa imo sa tago nga mga katalagman, kag sa tanan nga makamamatay nga mga balatian.
4 Sia magatabon sa imo sang iya mga pakpak; indi ikaw maano sa idalom sang iya pagtatap; ang iya pagkatutom magaapin kag magatabang sa imo.
5 Indi ka mahadlok sang mga katalagman sa kagab-ihon, ukon sang hinali nga pagsalakay sa kaadlawon,
6 sang mga kalalat-an nga nagaabot sa kadudolman, ukon sang kalautan nga nagapamatay sa adlaw.
7 Bisan ang isa ka libo mapukan sa imo luyo, napulo ka libo sa palibot mo, pero ikaw imo indi gid maano.
8 Magatan-aw ka kag makita mo kon paano ginasilutan ang malaut nga tawo.
9 Tungod kay ginhimo mo ang Ginoo nga imo mangangapin, ang Labing Mataas nga imo palalipdan,
10 wala sing kalaglagan nga magaabot sa imo, wala sing kalalat-an nga magpalapit sa imo puloy-an.
11 Ang Dios magapadala sang iya mga anghel sa pagbantay sa imo, sa pag-apin sa imo bisan diin ikaw makadto.
12 Hakwaton ka nila sang ila mga kamot, agod indi masamad ang imo mga tiil sa mga bato.
13 Pagatapakon mo ang mga leon kag mga man-og, ang mapintas nga mga leon kag dalitan nga mga man-og.
14 Ang Dios nagasiling, “Luwason ko ang mga nagahigugma sa akon, kag apinan ko ang mga nakakilala sa akon.
15 Kon magpanawag sila sa akon, ako magasabat sa ila, kon yara sila sa kalisod, ako magaupod sa ila. Luwason kag padunggan ko sila.
16 Pagapadyaan ko sila sang malawig nga kabuhi, kag pagaluwason ko gid sila.”

Mga Salmo 90 | Mga Salmo 92