Mga Salmo 66

1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150

☆☆☆

Ambahanon sang Pagdayaw kag Pagpasalamat

1 Dayawa ninyo ang Dios nga may paghinugyaw sa kalipay, tanan kamo nga mga katawuhan!
2 Amba kamo sa paghimaya sang iya ngalan, ihalad sa iya ang mahimayaon nga pagdayaw!

Amba kamo sa paghimaya sang iya ngalan. (66:2)

3 Isiling sa Dios, “Daw ano ka makatilingala ang mga butang nga imo ginahimo! Daku gid ang imo gahom sa bagay nga ang imo mga kaaway nagayaub sa imo sa kahadlok.
4 Ang tanan sa duta nagasimba sa imo, nagakanta sila sing mga pagdayaw sa imo, nagakanta sila sing mga pagdayaw sa imo ngalan.”
5 Dali kamo kag tan-awa ninyo ang ginhimo sang Dios, ang iya makatilingala nga mga binuhatan sa tunga sang mga tawo.
6 Ang dagat ginhimo niya nga mamala nga duta, gintabok sang aton mga katigulangan ang suba nga nagalakat lang, didto naghinugyaw kita tungod sang iya ginhimo.
7 Nagagahom sia sa walay katapusan paagi sa iya kusog kag ginabantayan niya sing maid-id ang mga kapungsoran. Kabay nga wala sing may magrebelde batok sa iya!
8 Dayawa ang aton Dios, tanan nga mga kapungsoran, ipabati ang inyo pagdayaw sa iya.
9 Tubtob karon iya kita ginbuhi, kag wala magtugot nga mapukan kita.
10 Imo kami gintilawan, O Dios, subong nga ang pilak ginapapuraw paagi sa kalayo, subong man gintilawan mo kami.
11 Ginapabay-an mo kami agod nga mahulog sa tugalbong kag ginpapas-an mo kami sang mabug-at nga dalal-on.
12 Ginpalapak mo kami sa amon mga kasumpong, nag-agi kami sa kalayo kag baha, pero karon gindala mo kami sa duog sa diin indi kami maano.
13 Magadala ako sing mga halad nga sinunog sa imo balay; ihalad ko sa imo ang akon ginsaad.
14 Ihatag ko sa imo yadtong ginsiling ko, sang ako yara sa kalisod.
15 Magahalad ako sang karnero nga pagasunogon sa altar, magapanghamot ang ginsunog nga mga kanding; magahalad ako sang torite nga mga baka kag mga kanding.
16 Kari kag magpamati, tanan kamo nga nagatahod sa Dios, kag sugiran ko kamo kon ano ang iya ginhimo sa akon.
17 Nagpangayo ako sa iya sing bulig; handa ako sa pagdayaw sa iya sa mga ambahanon.
18 Kon ginapabay-an ko lang ang akon mga sala, wala kuntani magpamati ang Ginoo sa akon.
19 Pero ginpamatian gid ako sang Dios, nagpamati sia sa akon pangamuyo.
20 Ginadayaw ko ang Dios, kay wala niya ginsikway ang akon pangamuyo, ukon ginkuha ang iya mapinadayunon nga gugma sa akon.

Mga Salmo 65 | Mga Salmo 67