Mga Salmo 99

1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150

☆☆☆

Ang Dios Labaw sa Tanan nga Hari

1 Ang Ginoo amo ang hari, nagakurog ang mga tawo; nagalingkod sia sa iya trono sa ibabaw sang mga kerubin, nagatay-og ang duta.
2 Ang Ginoo gamhanan sa Sion, nagagahom sia sa tanan nga mga pungsod.
3 Ang tagsatagsa magadayaw sang iya gamhanan kag halangdon nga ngalan. Balaan sia!
4 Gamhanan nga hari, ginahigugma mo ang matarong, gindala mo ang katarungan sa Israel, ginpaluntad mo ang pagkamatarong kag kamatuoran.
5 Dayawon ang Ginoo nga aton Dios; magsimba sa atubangan sang iya trono! Balaan sia!
6 Si Moises kag si Aaron iya mga pari kag si Samuel isa sang mga nagsimba sa iya, nagpanawag sila sa Ginoo, kag sia nagsabat sa ila.
7 Naghambal sia sa ila gikan sa haligi nga panganod, gintuman nila ang mga kasugoan kag mga sugo nga iya ginhatag sa ila.
8 O Ginoo nga amon Dios, ikaw nagsabat sa imo mga tawo, ginpakita mo sa ila nga ikaw isa ka Dios nga nagapatawad, pero ginasilutan mo sila tungod sang ila mga sala.
9 Dayawon ang Ginoo nga aton Dios kag magsimba sa iya balaan nga bukid! Ang Ginoo nga aton Dios balaan!

Mga Salmo 98 | Mga Salmo 100