Mga Salmo 6

1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150

☆☆☆

Pangamuyo agod Buligan sa Tion sang Kalalat-an

1 O GINOO, indi man ako pag-akigi kag pagsabdunga! Indi man ako pagsiluti sa imo kaakig!
2 Kaluoyi ako, O GINOO, kay nalapyo gid ako, hatagi ako sing kusog, kay lata na ako,
3   ang akon bug-os nga kaugalingon natublag gid. San-o pa bala ini matapos, O GINOO?
4 Kari ka, O GINOO, kag luwasa ako; kay ginahigugma mo ako, luwasa man ako sa kamatayon.
5 Sa kalibutan sang mga patay wala ka ginadumdom, didto wala sing may makadayaw sa imo!
6 Natam-an ako sa pagpangalisod, kada gab-i humog ang akon higdaan sa paghilibion, ang akon ulonan basa sang akon mga luha.
7 Nagpalangharok ang akon mga mata sa paghilibion, kag halos ako makakita, ini tanan tungod sang akon mga kaaway!
8 Palayo kamo sa akon, mga manughimo sang malaut! Ang GINOO kabati sang akon paghibi.
9 Ginapamatian niya ang akon pagpangayo sing bulig, kag ginasabat niya ang akon mga pangamuyo.
10 Matilawan man sang akon mga kaaway ang kapait sang kapiyerdihan, sa tama nga pagsalangisag pagatabugon sila gilayon.

Mga Salmo 5 | Mga Salmo 7