1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150
☆☆☆
Ang Dios Labaw sa Tanan nga Manuggahom
1 Ang GINOO amo ang hari! Magkalipay ka, O duta! Magkalipay kamo, tanan nga mga isla sang kadagatan!2 Ang mga panganod kag kadudolman yara sa palibot niya; ang iya ginharian napasad sa katarungan kag hustisya.
3 Ang kalayo nagauna sa iya, kag nagasunog sa iya mga kaaway sa palibot niya.
4 Ang iya kilat nagapasanag sang kalibutan; ang duta nakakita sini kag nagakurog.
5 Ang mga bakulod nagakatunaw subong sang kandila sa atubangan sang GINOO, sa atubangan sang Ginoo sang bug-os nga duta.
6 Ang kalangitan nagabantala sang iya pagkamatarong, kag ang tanan nga katawuhan nakakita sang iya himaya.
7 Ang tanan nga nagasimba sa mga larawan nahuya, ang tanan nga nagapabugal sang ila mga diosdios; ang tanan nga mga dios nagayaub sa atubangan niya.
8 Ang mga tawo sang Sion nagakalipay, kag ang mga siyudad sang Juda nagakasadya, tungod sang imo mga paghukom, O GINOO!
9 O GINOO nga Makagagahom, ikaw ang nagagahom sang bug-os nga duta, gamhanan pa ikaw sa tanan nga mga dios.
10 Ang Ginoo nagahigugma sa mga nagadumot sang malaut; ginaapinan niya ang kabuhi sang iya mga tawo, ginaluwas niya sila sa gahom sang malaut.
11 Ang kapawa nagasilak sa mga matarong, kag ang kalipay sa maayo nga mga tawo.
12 Magkalipay kamo, tanan nga mga matarong, tungod sang ginhimo sang Ginoo! Dumdoma ang ginhimo sang Balaan nga Dios, kag magpasalamat kamo sa iya!
No comments:
Post a Comment