Mga Salmo 40

1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150

☆☆☆

Ambahanon sang Pagdayaw

1 Madugay na ang paghulat ko sang bulig sang GINOO; sang ulihi ginpamatian niya ako kag nabatian niya ang pagpanawag ko.
2 Daw pareho lang nga Ginbatak niya ako gikan sa makatalagam nga buho, gikan sa lunangon nga buho! Ginpahamtang niya ako sa daku nga bato agod indi maano, kag ginpalig-on niya ako.
3 Gintudloan niya ako sa pagkanta sang isa ka bag-o nga ambahanon, isa ka ambahanon sang pagdayaw sa aton Dios! Ang madamo nga makakita sini magakahadlok, kag magasalig sila sa GINOO.
4 Bulahan ang tawo nga nagasalig sa GINOO, nga wala nagadangop sa mga diosdios, ukon nagaupod sa mga nagasimba sa di-matuod nga dios.
5 O GINOO nga akon Dios, madamo ang imo nahimo para sa amon; wala na sing pareho sa imo! Madamo kag makatilingala ang imo mga plano para sa amon. Kon isaysay ko sila tanan, madamo pa sila sangsa akon sarang masugid.
6 Indi ka luyag sang mga halad nga sinunog kag mga dulot; wala ka man nagapangayo sang mga sapat nga sunogon sing bug-os sa altar, ukon sang mga halad nga sinunog sa pagkuha sang mga sala. Sa baylo, ginhatagan mo ako sing dulonggan sa pagpamati sa imo,
7 gani nagsabat ako, “Yari ako! Ang imo mga mando para sa akon yara sa libro sang Kasugoan.
8 Daw ano ang kaluyag ko sa pagtuman sang imo kabubot-on, O Dios ko! Ginahuptan ko ang imo pagtulon-an sa akon tagipusoon.”
9 Sa mga pagtililipon sang tanan nimo nga mga tawo, O GINOO, ginasugid ko ang maayong balita nga ikaw nagaluwas. Ikaw nakahibalo nga indi ako mag-untat sa pagsugid sini.
10 Wala ko gintago ang balita sang kaluwasan sa akon kaugalingon; ang imo pagkamatutom kag pagbulig ginasugid ko sa gihapon. Sa pagtililipon sang tanan nimo nga mga tawo, wala ako maghipos nahanungod sang imo mapinadayunon nga gugma kag pagkamainunongon.
11 GINOO, nakahibalo gid ako nga indi ka mag-untat sa pagkaluoy sa akon! Ang imo gugma kag pagkamainunongon magatipig sa akon gihapon agod indi ako maano.

Pangamuyo agod Buligan

(Salmo 70)

12 Ginalibutan ako sang madamo nga mga kalalat-an, tama kadamo nga indi maisip! Nalambot ako sang akon mga sala, kag karon indi na ako makakita; madamo pa sila sang sa akon mga buhok, kag nadulaan ako sing kaisog.
13 Luwasa ako, O GINOO! Buligi ako karon!
14 Kabay nga ang mga nagatinguha sa pagpatay sa akon malutos gid kag magasalasala. Kabay nga ang mga nagakasadya tungod sang akon mga kalalat-an mapaisol kag mahuy-an.
15 Kabay nga ang mga nagayaguta sa akon mahuy-an tungod sang ila pagkalutos!
16 Kabay nga ang tanan nga nagapalapit sa imo magkalipay kag magkasadya! Kabay nga ang tanan nga nagahigugma sang imo kaluwasan magsiling sa gihapon, “Daw ano ka gamhanan ang GINOO!”
17 Maluya ako kag wala sing mahimo, pero ginadumdom mo ako, O GINOO. Ikaw ang akon manugbulig kag Manlulowas, indi ka magpadugay, O Dios ko!

Mga Salmo 39 | Mga Salmo 41