1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150
☆☆☆
Ambahanon sa Pagdayaw
1 Dayawa ninyo ang Ginoo! Dayawa ninyo ang iya ngalan, kamo nga mga alagad sang Ginoo,
2 nga nagatindog sa balay sang Ginoo, sa santuaryo sang aton Dios.
3 Dayawa ninyo ang Ginoo, kay sia maayo; magkanta kamo sing mga pagdayaw sa iya ngalan, kay sia maalwan.
4 Ginpili niya si Jacob nga mangin-iya, ang mga tawo sa Israel nga mangin-iya kaugalingon.
5 Nakahibalo ako nga ang aton Ginoo gamhanan; gamhanan pa sia sa tanan nga mga dios.
6 Ginahimo niya ang bisan ano nga luyag niya sa langit kag sa duta, sa mga dagat kag sa mga kadadalman sa idalom.
7 Nagdala sia sing madamol nga mga gal-om gikan sa mga ukbong sang duta; nagahimo sia sing kilat para mga bagyo, kag ginapagwa niya ang mga hangin gikan sa iya talaguan.
8 Sa Egipto ginpamatay niya ang tanan nga mga panganay sang mga tawo kag mga sapat.
9 Didto naghimo sia sing mga milagro kag mga katingalahan sa pagsilot sang hari kag sang tanan niya nga mga opisyales.
10 Ginlaglag niya ang madamo nga mga pungsod, kag ginpamatay ang gamhanan nga mga hari:
11 si Sihon nga hari sang mga Amornon, si Og nga hari sang Basan, kag ang tanan nga mga hari sang Canaan.
12 Ginhatag niya ang ila mga duta sa iya mga tawo; ginhatag niya ini sa Israel.
13 O Ginoo, ang mga tawo magakilala sa gihapon nga ikaw ang Dios; ang tanan nga mga kaliwatan magadumdom sa imo.
14 Ang Ginoo magakaluoy sa iya mga tawo; pagahilwayon niya ang iya mga alagad.
15 Ang mga diosdios sang mga pungsod nahimo sa pilak kag bulawan; ginhimo sila sang mga kamot sang tawo.
16 May mga baba sila, pero indi makahambal, kag mga mata, pero indi makakita.
17 May mga dulonggan sila, pero indi makabati; wala sing ginhawa ang ila mga baba.
18 Kabay nga ang mga naghimo sa ila kag ang tanan nga nagasalig sa ila manginkaangay sang mga diosdios nga ila ginhimo!
19 Dayawa ninyo ang Ginoo, O mga tawo sang Israel; dayawa ninyo sia, kamo nga mga pari sang Dios!
20 Dayawa ninyo ang Ginoo, kamo nga mga Levita, dayawa ninyo sia, tanan kamo nga nagatahod sa iya!
21 Dayawa ninyo ang Ginoo sa Sion, sa Jerusalem nga iya puloy-an. Dayawa ninyo ang Ginoo!
No comments:
Post a Comment