1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150
☆☆☆
Ang Dios nga Mandadaog
1 Ang Dios kilala gid sa Juda, kag bantog sa Israel.2 Ang iya puloy-an yara sa Jerusalem, nagapuyo sia sa Bukid sang Sion.
3 Didto ginpangbali niya ang mga pana sang mga kaaway, ang ila mga taming kag mga espada, kag ang tanan nila nga mga hinganiban.
4 Daw ano ka mahimayaon sa imo, O Dios! Daw ano ikaw ka halangdon, sa imo pagbalik gikan sa mga bukid sa diin ginlutos mo ang imo mga kaaway!
5 Ang ila maisog nga mga soldado ginbawian sang ila mga inagaw, kag karon nagakatulog sila sa katulogon sang kamatayon, wala sing isa sa ila nga nabilin sa paggamit sang ila mga hinganiban.
6 Sa imo pagpangakig sa ila, O Dios ni Jacob, ang mga kabayo kag ang ila mga manugsakay nagkalatumba kag nagkalamatay.
7 Pero ikaw ginakahadlukan gid sang mga tawo! Sin-o bala ang makatindog sa imo atubangan kon ikaw maakig?
8 Gikan sa langit ginpahayag mo ang imo paghukom; ang duta nagkahadlok kag naglinong;
9 sang ikaw magtindog kag maghukom, sa pagluwas sang tanan nga ginapigos sa duta.
10 Ang kaakig sang mga tawo nagadugang lamang sang pagdayaw sa imo, ang mga nabilin nga buhi sa inaway magasaulog sang imo mga piesta.
11 Ihatag sa Ginoo nga inyo Dios ang inyo ginsaad sa iya; tanan kamo nga malapit nga mga pungsod magdala sing mga dulot sa iya. Ginabuot sang Dios nga ang mga tawo magkahadlok sa iya;
12 ginapakahuy-an niya ang mga prinsipe nga bugalon, kag ginapakugmat niya ang mga hari nga gamhanan.
No comments:
Post a Comment