1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150
☆☆☆
Pangamuyo nga Silutan sang Dios ang mga Malaut
1 Nagahatag bala kamo sing matarong nga pamatbat, kamo nga mga pangulo? Nagahukom bala kamo sing matarong sa tanan nga mga tawo?2 Wala! Ang ginahunahona lamang ninyo amo ang kalainan nga inyo himuon kag nagahimo sang malubha nga mga pagpamintas sa duta.
3 Ang malaut nga mga tawo nagasayop sa bug-os nila nga kabuhi; nagabinutig sila halin pa sa adlaw sang ila pagkatawo.
4 Dalitan sila subong sang mga man-og; ginatakpan nila ang ila mga dulonggan, subong sang bungol nga kobra,
5 nga indi makabati sang tingog sang iya manug-anta, ukon sang orayon sang sampaton nga salamangkero.
6 Bingawa ang ila mga ngipon, O Dios, taltala ang mga bangkil sining mapintas nga mga leon!
7 Kabay nga mawala sila kaangay sang tubig nga nagakahubas; kabay nga tasakon sila subong sang mga hilamon sa dalan.
8 Kabay nga manginsubong sila sang mga taklong nga nagakatunaw sa maarat nga lunang, kabay nga manginkaangay sila sang bata nga patay na sang iya pagkatawo nga wala gid makakita sang kapawa.
9 Sa wala pa sila makapanginlaman, ginahagbas sila subong sang kahuykahoy, paapukon sila sang Dios sa iya tuman nga kaakig sa buhi pa sila.
10 Magakalipay ang mga matarong kon makita nila nga ginasilutan ang mga makasasala, magaubog sila sa dugo sang mga malaut.
11 Magasiling ang mga tawo, “Ginahatagan gid matuod sing balos ang mga matarong, may Dios gid matuod nga nagahukom sang kalibutan!"
No comments:
Post a Comment