1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150
☆☆☆
Ambahanon sa Pagpasalamat
1 Magpasalamat kamo sa Ginoo, kay sia maayo, kag ang iya gugma nagapadayon sa gihapon.
2 Magpasalamat kamo sa labing gamhanan sang mga dios; ang iya gugma nagapadayon sa gihapon.
3 Magpasalamat kamo sa labing gamhanan sang mga Ginoo, ang iya gugma nagapadayon sa gihapon.
4 Sia lamang ang nagahimo sang dalagku nga mga milagro; ang iya gugma nagapadayon sa gihapon.
5 Sa iya kaalam ginhimo niya ang mga langit; ang iya gugma nagapadayon sa gihapon.
6 Ginpahamtang niya ang duta sa ibabaw sang madalom nga tubig, ang iya gugma nagapadayon sa gihapon.
7 Ginhimo niya ang adlaw kag ang bulan; ang iya gugma nagapadayon sa gihapon;
8 ang adlaw sa paggahom sa kaadlawon; ang iya gugma nagapadayon sa gihapon.
9 Ang bulan kag ang mga bituon sa paggahom sa kagab-ihon; ang iya gugma nagapadayon sa gihapon.
10 Ginpamatay niya ang panganay nga mga lalaki sang mga Egiptohanon; ang iya gugma nagapadayon sa gihapon.
11 Gin-ubayan niya ang mga Israelinhon pa gwa sa Egipto; ang iya gugma nagapadayon sa gihapon;
12 gin-ubayan niya sila sang iya makusog nga kamot kag gamhanan nga butkon; ang iya gugma nagapadayon sa gihapon.
13 Ginpahawa niya ang Mapula nga Dagat; ang iya gugma nagapadayon sa gihapon;
14 gin-ubayan niya ang iya mga tawo sa pagtabok sini; ang iya gugma nagapadayon sa gihapon;
15 ginlumos niya ang hari kag ang iya mga hangaway; ang iya gugma nagapadayon sa gihapon.
16 Gin-ubayan niya ang iya mga tawo sa desierto; ang iya gugma nagapadayon sa gihapon.
17 Ginpamatay niya ang gamhanan nga mga hari; ang iya gugma nagapadayon sa gihapon;
18 ginpamatay niya ang bantog nga mga hari; ang iya gugma nagapadayon sa gihapon;
19 si Sihon nga hari sang mga Amornon; ang iya gugma nagapadayon sa gihapon;
20 kag si Og nga hari sang Basan; ang iya gugma nagapadayon sa gihapon.
21 Ginpanghatag niya ang ila mga duta sa iya mga tawo, ang iya gugma nagapadayon sa gihapon.
22 Ginpanghatag niya ang duta sa Israel nga iya alagad; ang iya gugma nagapadayon sa gihapon.
23 Wala sia magkalipat sa aton sang nalutos kita, ang iya gugma nagapadayon sa gihapon,
24 ginhilway niya kita sa aton mga kaaway, ang iya gugma nagapadayon sa gihapon.
25 Nagahatag sia sing pagkaon sa tanan nga mga tawo kag mga sapat; ang iya gugma nagapadayon sa gihapon.
26 Magpasalamat sa Dios sang langit; ang iya gugma nagapadayon sa gihapon.
No comments:
Post a Comment