Mga Salmo 53

1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150

☆☆☆

Ang Pagkalaut sang mga Tawo

(Salmo 14)

1 Ang mga buangboang nagasiling sa ila kaugalingon, “Wala sing Dios.” Malaut sila tanan, makangilil-ad nga mga butang ang ila ginahimo, wala gid sing isa nga nagahimo sing matarong.
2 Gikan sa langit ang Dios nagatamod sa mga tawo sa pagtan-aw kon may ara nga mga maalam, kag nagasimba sa iya.
3 Pero nagbiya sila tanan, lunsay sila tanan malain, wala sing isa sa ila nga nagahimo sing matarong, wala gid bisan isa.
4 Nagapamangkot ang Dios, "Wala gid bala sila makahibalo? "Wala gid bala sing inalung-ong ining mga manughikot sang malaut? Nagakabuhi sila sa pagpangawat sa akon mga tawo, kag wala sila nagapangamuyo sa akon.”
5 Pero karon magakurog sila sa kahadlok, nga wala pa gid nila maagyi sang una, tungod kay ginapalapta sang Dios ang mga tul-an sang imo mga kaaway. Lutoson niya sila sing bug-os, kay ginsikway niya sila.
6 Daw ano ang akon pagpangamuyo nga gikan sa Sion ang kaluwasan magaabot sa Israel! Kon ang Dios magpauswag liwat sang iya mga tawo, magakalipay ang mga kaliwat ni Jacob; ang mga tawo sang Israel magakasadya.

Mga Salmo 52 | Mga Salmo 54