1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150
☆☆☆
Pagsalig sa Pag-apin sang Dios
1 Sa Dios lamang ako nagasalig; ang akon kaluwasan nagagikan sa iya.2 Sia lamang ang akon mangangapin kag manlulowas, sia amo ang akon manugbulig, kag indi gid ako malutos.
3 Tubtob pa bala san-o ang inyo paggubat sa isa ka tawo sa paglutos sa iya, kaangay sang nagakapukan nga pader, ukon guba nga kudal?
4 Ang inyo lamang luyag amo ang pagpukan sa iya gikan sa iya gahom, nagakalipay kamo sa kabutigan. Ang ginahambal ninyo amo ang pagpakamaayo, pero ginapakamalaut ninyo sia sa inyo tagipusoon.
5 Sa Dios lamang ako nagasalig, sa iya ako nagalaom.
6 Sia lamang ang akon mangangapin kag manlulowas, sia ang akon manugbulig, kag indi gid ako malutos.
7 Ang akon kaluwasan kag ang akon kadungganan nasandig sa Dios, sia ang akon makusog nga mangangapin, sia ang akon palanaguan!
8 Mga tawo ko, magsalig kamo sa Dios, sa tanan nga tion! Sugiri sia sang tanan ninyo nga mga palaligban, kay sia amo ang aton dalangpan.
9 Ang mga tawo kaangay sang isa ka huyop sang hangin, ang mamalatyon nga mga tawo wala sing pulos. Ibutang bala sila sa kiluhan kag wala sila sing bug-at, mamag-an pa sila sa isa ka gininhawa.
10 Indi ka magsalig sa pakusog; indi ka maghunahona nga may makuha ka sa pagpangawat; bisan pa nga magdugang ang imo mga manggad, indi ini pagsaligi.
11 Makapila ako makabati sa Dios nga nagasiling nga iya ang gahom,
12 kag ang iya gugma mapinadayunon. Ikaw gid, O Ginoo, ang magbalos sa tagsa ka tawo suno sa iya mga binuhatan.
No comments:
Post a Comment