1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150
☆☆☆
Pangamuyo sang Isa ka Tigulang
1 Upod sa imo, O GINOO, indi ako maano; indi gid pag-itugot nga malutos ako!2 Tungod kay matarong ka, buligi ako kag tabangi ako! Pamatii ako kag luwasa ako!
3 Ikaw mangindalangpan ko nga mapag-on, kag malig-on nga pamakod sa pag-apin sa akon, ikaw ang akon dalangpan kag mangangapin.
4 O Dios ko, luwasa ako sa malaut nga mga tawo, gikan sa gahom sang mapintas kag malain nga mga tawo.
5 Ang akon paglaom, O Ginoo, yara sa imo, nagsalig ako sa imo halin sang pamatan-on pa ako.
6 Nagsalig ako sa imo sa bug-os ko nga kabuhi, gin-apinan mo ako halin pa sang akon pagkatawo. Magadayaw ako sa imo sa gihapon!
7 Madamo ang indi makahangop sang akon kabuhi, pero ikaw makusog ko nga manug-apin.
8 Ginadayaw ko ikaw sa bug-os nga adlaw kag ginbantala ko ang imo himaya.
9 Indi man ako pagsikwaya karon nga tigulang na ako, indi man ako pagpatumbayai karon nga maluya na ako!
10 Ang akon mga kaaway buot magpatay sa akon, nagaplano kag nagahimbon sila batok sa akon.
11 Nagasiling sila, “Ginpatumbayaan sila sang Dios; lagson naton sia kag dakpon, kay wala gid sing may magatabang sa iya!”
12 Indi ka magpalayo sa akon, O Dios, O Dios ko, buligi ako karon!
13 Kabay nga ang mga nagasalakay sa akon malutos kag malaglag! Kabay nga ang mga nagatinguha sa pagsakit sa akon, mahuy-an gid kag mangintalamayon!
14 Magalaom ako sa imo sa gihapon; magapadayon ako sa pagdayaw sa imo.
15 Magasugid ako sang imo pagkamatarong, sa bug-os nga adlaw magahambal ako nahanungod sang imo kaluwasan, bisan nga labaw pa ini sang sa akon mahangpan.
16 Dayawon ko ang imo gahom, O Ginoong DIOS, ibantala ko ang imo lamang pagkamatarong.
17 Gintudloan mo ako halin sang pamatan-on pa ako, kag tubtob karon ginasugid ko ang imo makatilingala nga mga binuhatan.
18 Karon nga tigulang na ako kag ang akon buhok ubanon na, indi ako pagpatumbayai, O Dios! Updi ako samtang ginabantala ko ang imo gahom kag kusog sa palaabuton nga mga kaliwatan.
19 Ang imo pagkamatarong, O Dios, nagalambot sa kalangitan. Dalagku nga mga butang ang imo nahimo; wala gid sing kaangay sa imo!
20 Ginpadalhan mo ako sing mga palaligban kag mga pag-antos, pero ikaw magapabalik sang akon kusog; ikaw magapahilayo sa akon sa lulobngan.
21 Himuon mo ako nga labi pa ka gamhanan sang sa una, ikaw magalipay liwat sa akon.
22 Dayawon ko gid ikaw sa arpa, dayawon ko ang imo katutom, O Dios. Sa akon arpa magatukar ako sing mga kalantahon sa imo, ang Balaan sang Israel.
23 Magahugyaw ako sa kalipay samtang nagatukar ako para sa imo, kag magakanta ako sa bug-os ko nga tagipusoon kay ikaw nagluwas sa akon.
24 Magahambal ako sang imo pagkamatarong sa bug-os nga adlaw, kay ang mga nagtinguha sa paghalit sa akon nalutos kag nahuy-an.
No comments:
Post a Comment