1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150
☆☆☆
Pangamuyo agod Buligan
1 Pamatii ang akon pangamuyo, O Dios; talupangda man ang akon mga pag-ampo!2 Pamatii kag sabta man ako, kay nagapalangluya na ako sa akon mga palaligban.
3 Natublag ako sang mga pamahog sang akon mga kaaway, sang paglupig sang mga malaut. Ginagamo nila ako, naakig sila sa akon kag ginadumtan nila ako.
4 Ang akon tagipusoon puno sang kahadlok, kag ang mga kakugmat sang kamatayon nagaabot sa akon.
5 Ginadakop ako sang kahadlok kag nagapalangurog, ginadaog ako sang tuman nga kakulba.
6 Nagasiling ako, "Kon may mga pakpak lang ako kuntani pareho sang pating! Magalupad ako kag magpangita sing palahuwayan!
7 Magalupad ako sa malayo nga duog kag magpuyo za desierto.
8 Magadalidali ako sa pagpangita sing palasilungan gikan sa mamadlos nga hangin kag bagyo.”
9 Laglaga sila, O Ginoo, kag pasalaha ang ila panghambal, tungod kay may kinagamo kag pag-ilinaway sa siyudad.
10 Adlaw kag gab-i nagalagawlagaw sila sa ibabaw sang pader sa siyudad, puno ini sang kinagamo kag pinatyanay.
11 May kalaglagan bisan diin lang, madamo kag wala untat ang mga pagpamigos kag pagdinaya sa mga kalye.
12 Kon kaaway ko ang nagayaguta sa akon, sarang ko ini mabatas; kon kaaway ko ang nagapabugal sa akon, sarang ako makapanago sa iya.
13 Pero ikaw man lang nga akon upod, kadungan ko kag suod nga abyan!
14 Kita nga mahirop anay sa isa kag isa, kag nagaupod sa mga tawo nga nagakadto sa Templo.
15 Kabay nga mag-abot ang hinali nga kamatayon sa akon mga kaaway, kabay nga magpanaog sila nga buhi sa duta sang mga patay! Ang kalautan yara sa ila mga puloy-an kag sa ila mga tagipusoon.
16 Pero nagapangayo ako sing bulig sa Ginoo nga Dios, kag sia magaluwas sa akon.
17 Ang akon mga yamo kag mga pag-ugayong nagalambot sa iya sa aga, udto, kag gab-i, kag sia magapamati sang akon tingog.
18 Pabalikon niya ako nga indi maano halin sa akon mga pagpakig-away batok sa madamo nga mga kaaway.
19 Ang Dios nga nagagahom sa walay katubtoban, magapamati sa akon kag magalutos sa ila; wala sila sing may mahimo, kay wala sila nagatahod sa Dios.
20 Ang akon anay upod nag-away sang iya mga abyan, wala niya gintuman ang iya ginsaad.
21 Ang iya mga pulong madanlog pa sang sa lana, pero may dumot sa iya tagipusoon, ang iya mga pulong subong sang balanyos nga makakuha sang kakapoy pero nagapilas subong sang matalom nga mga espada.
22 Itugyan ang imo mga palaligban sa Ginoo, kag iya ikaw buligan; indi gid niya pagpabay-an nga malutos ang maayo nga tawo.
23 Pero ikaw imo, O Dios ko, magahaboy sa kadadalman sang mga manugpatay kag sang mga butigon, sa wala pa magtungatonga ang ila kabuhi. Pero ako akon, magasalig sa imo.
No comments:
Post a Comment