1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150
☆☆☆
Ang Bug-os nga Ihibalo kag Pag-atipan sang Dios
1 O GINOO, gin-usisa mo ako, kag nakilala mo ako.
2 Nahibaluan mo ang tanan nga ginahimo ko; gikan sa malayo nahangpan mo ang akon mga panghunahona.
3 Makita mo ako, bisan nagaobra ukon nagapahuway ako, nahibaluan mo ang tanan ko nga mga ginahimo.
4 Bisan sa wala pa ako makahambal nahibaluan mo na ang akon inugsiling.
5 Yari ka sa palibot ko, sa atubangan, sa likod, sa kilid; ginaapinan mo ako sang imo gahom.
6 Ang imo nahibaluan nahanungod sa akon tama ka makatilingala, tama ini kadalom para sa akon paghangop.
7 Diin bala ako makadto agod makapalagyo sa imo Espiritu? Diin ako makadto agod makapalayo sa imo atubangan?
8 Kon magsaka ako sa langit, didto ikaw; kon maghigda ako sa duog sang mga patay didto man ikaw.
9 Kon maglupad ako sa unhan sang sidlangan, ukon magpuyo sa pinakalayo nga duog sa nakatundan,
10 didto ikaw sa pagtuytoy sa akon, didto ikaw sa pagbulig sa akon.
11 Mapangayo ko ang kadudolman sa pagtago sa akon, ukon ang kapawa sa palibot nakon nga magmangingab-i,
12 pero bisan ang kadudolman indi madulom para sa imo, kag ang kagab-ihon subong kasanag sang adlaw. Ang kadudolman kag kapawa alangay sa imo.
13 Ginhimo mo ang tanan nga mga bahin sang akon lawas; gintaod mo ako sa tiyan sang akon iloy.
14 Ginadayaw ko ikaw kay dapat ka tahuron; ang tanan mo nga ginahimo makatalanhaga kag makatilingala. Nahibal-an ko ini sa bug-os ko nga tagipusoon.
15 Nakita mo ang pagdihon sang akon mga tul-an, nga gintaod sing mainandamon sa tiyan sang akon iloy, sang nagatubo ako didto nga indi makita.
16 Nakita mo ako sang wala pa ako mabun-ag. Ang mga inadlaw nga gintuga para sa akon nalista tanan sa imo libro, sang wala pa makasugod ang bisan isa sini sa ila.
17 O Dios, para sa akon daw ano kabudlay sang imo mga panghunahona, nga sa pagkadamo sa ila!
18 Kon isipon ko sila, madamo pa sila sang sa balas. Kon magmata ako, kaupod ko ikaw sa gihapon.
19 O Dios, luyag ko kuntani nga pamatyon mo ang mga malaut! Luyag ko kuntani nga ang mapintas nga mga tawo maghilabot sa akon!
20 Nagasiling sila sing malaut nga mga butang nahanungod sa imo; nagahambal sila sing malaut batok sa imo ngalan.
21 O Ginoo, daw ano ang pagdumot ko sa mga nagadumot sa imo! Daw ano ang pagtamay ko sa mga nagapamatok sa imo!
22 Tama gid ang akon pagdumot sa ila, ginakabig ko sila nga akon mga kaaway.
23 Usisaa ako, O Dios, kag hibaloa ang akon painuino, tilawi ako, kag tungkara ang akon mga panghunahona.
24 Tan-awa kon may paglimbong ako, kag tuytoyi ako sa dalan nga walay katubtoban.
No comments:
Post a Comment