1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150
☆☆☆
Pangamuyo agod Buligan
1 Sumponga, O Ginoo, ang mga nagapakigsumpong sa akon, kag awaya ang mga nagapakig-away sa akon!2 Kuhaa ang imo taming kag hinganiban, kag kari ka sa pagbulig sa akon.
3 Ihayaw ang imo bangkaw kag wasay batok sa mga nagalagas sa akon. Sugiri ako nga ikaw ang akon manlulowas!
4 Kabay nga ang mga nagatinguha sa pagpatay sa akon malutos kag mahuy-an! Kabay nga ang mga nagahimbon batok sa akon mag-isol kag magsalasala.
5 Kabay nga manginkaangay sila sang labhang nga ginapalid sang hangin, samtang ginalagas sila sang anghel sang Ginoo!
6 Kabay pa nga manginmadulom kag madanlog ang ila alagyan, samtang ginapukan sila sang anghel sang Ginoo!
7 Sa walay kabangdanan naghimo sila sing siod para sa akon, kag nagkutkot sila sing tugalbong sa pagdakop sa akon.
8 Pero ang kalaglagan magaabot sa ila sa wala pa sila makapangaman; masiod sila sang ila kaugalingon nga tiglapak, kag mahulog sila sa tugalbong nga ila ginkutkot!
9 Dayon magakalipay ako tungod sa Ginoo, magakasadya ako kay iya ako ginluwas.
10 Sa bug-os ko nga tagipusoon magasiling ako sa Ginoo, "Wala gid sing pareho sa imo! Ginaapinan mo ang maluya sa makusog, ang imol kag nawad-an, sa manugpigos!”
11 Ang mga malaut nagapanaksi batok sa akon, kag ginasumbong nila ako sang mga kasal-anan nga wala ko mahimo.
12 Ginabalusan nila ako sing malaut sa baylo sang maayo, kag nadulaan ako sing paglaom.
13 Pero ang pagmasakit nila, naglalaw ako; nagpuasa ako; nagpangamuyo ako nga nagaduko sang akon ulo,
14 pareho sang akon pagpangamuyo tungod sa isa ka abyan ukon utod. Naglagaw ako nga nagaduko sa kasubo, subong sang isa nga nagapangalisod tungod sang iya iloy.
15 Tanan sila nagkalipay sang yara ako sa kalisdanan, kag ginlibutan nila ako sa pagyaguta sa akon; ginbunal ako sang mga tawo nga wala ko makilala, kag ginlampusan nila ako sa wala sing untat.
16 Ila ako ginpaantos, kag ginyaguta, nga nagamudlo ang ila mga mata sa akon kaakig.
17 Tubtob bala san-o nga magatan-aw lang ikaw, O Ginoo? Luwasa man ako sa ila mga pagsalakay; luwasa ang akon kabuhi sa sining mga leon!
18 Dayon sa daku nga katilingban magapasalamat ako sa imo, dayawon ko ikaw sa atubangan sang madamo nga mga tawo.
19 Indi pagtugoti nga kadlawan ako sang akon mga kaaway nga butigon! Indi pagtugoti nga tungod sa akon kalisdanan magkasadya ang mga nagadumot sa akon sa walay kabangdanan!
20 Wala sila nagahambal sing mainabyanon, kundi nagapadugi sila sang tanan nga sahi sang kabutigan batok sa tawo nga nagahigugma sang paghidait.
21 Nagasinggit sila sa pagsumbong sa akon: "Hala! Nakita namon ang imo ginhimo!”
22 Pero ikaw, O Ginoo, nakakita sini, gani, indi ka maghipos, O Ginoo; indi ka magpalayo!
23 Mata na, O Ginoo, kag apini ako; bangon na, O Dios ko, kag tabangi ako.
24 Matarong ka, O Ginoo, ganiipakilala nga wala ako sing sala; indi pagtugoti nga kadlawan ako sang akon mga kaaway, O Dios ko!
25 Indi sila pagpasilinga sa ila kaugalingon, “Aba! Amo gid ini ang luyag namon!” Indi man sila pagpasilinga, "Gindaog namon sia!”
26 Kabay nga ang mga nagakalipay sa akon mga pag-antos malutos sing bug-os kag magsalasala; kabay nga ang mga nagapabugal nga maayo pa sila sa akon mahuy-an kag mapaslawan!
27 Kabay nga ang mga nagakalipay nga nahilway ako sa akon kaso maghinugyaw kag indi mag-untat sa pagsiling, “Gamhanan gid ang Ginoo; nagakalipay sia sa kadalag-an sang iya alagad!"
28 Dayon ibantala ko ang imo pagkamatarong, kag dayawon ko ikaw sa bug-os nga adlaw.
No comments:
Post a Comment