Mga Salmo 39

1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150

☆☆☆

Ang Pagtuad sang Tawo nga Nagaantos sang Iya Sala

1 Nagsiling ako, "Andaman ko gid ang akon ginahimo, kag indi ko pagpabay-an ang akon dila nga magpakasala; indi gid ako maghambal sang bisan ano samtang malapit sa akon ang malaut nga mga tawo.”
2 Naghipos ako, kag wala gid magsiling bisan isa ka tinaga, bisan pa nahanungod sang butang nga maayo! Pero nagdugang pa gani ang akon pag-antos,
3 kag napun-an gid sing kasubo ang akon tagipusoon. Sa sobra ko nga pagpanumdom sini, nagdugang pa gani ang akon pagkatublag; indi na gid ako makapugong sa pagpamangkot:
4 “O Ginoo, tubtob pa bala san-o ang akon pagkabuhi? San-o bala ako mapatay? Sugiri ako kon san-o matapos ang akon kabuhi.”
5 Daw ano kalip-ot ang kabuhi nga ginhatag mo sa akon! Para sa imo ang akon bug-os nga kabuhi daw sa wala lang. Matuod gid ang kabuhi sang tawo kaangay lang sang isa ka huyop sang hangin,
6 kaangay sia sang isa ka landong! Matuod gid ang tanan nga iya ginahimo wala sing kapuslanan; nagatipon sia sang manggad, pero indi sia makahibalo kon sin-o sini ang magapulos!
7 “Karon, ano na lang ang akon lauman, O Ginoo? Ang akon paglaom yara sa imo.
8 Luwasa ako sa tanan ko nga mga sala, kag indi ako paghimoa nga kaladlawan sang mga buangboang.
9 Magahipos ako, indi gid ako maghambal bisan isa ka tinaga, kay ginpaantos mo ako sing subong sini.
10 Indi na ako pagsiluti! Daw mapatay na ako sa imo pagbakol!
11 Ginasilutan mo ang mga sala sang tawo sa imo pagsabdong, kag kaangay sang sipit ginalaglag mo ang iya ginahigugma. Matuod gid nga ang tawo kaangay lang sang isa ka huyop sang hangin!
12 Pamatii ang akon pangamuyo, O Ginoo, kag talupangda ang akon pagpakiluoy; indi ka maghipos kon ako magpanawag sa imo! Kaangay ako sang tanan ko nga mga katigulangan nga dumoloaw man lang nimo sa malip-ot nga tion.
13 Pabay-i lang ako, agod nga may kalipay man, sa wala pa ako makataliwan kag mawala na.

Mga Salmo 38 | Mga Salmo 40