1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150
☆☆☆
Pangamuyo nga Buligan batok sa Kaaway
(Mga Salmo 57:7-11; 60:5-12)
1 Handa ako, O Dios, handa na gid ako! Magakanta ako kag magadayaw sa imo! Magmata ka, O kalag ko!2 Magbugtaw kamo, O arpa kag lira ko! Pukawon ko ang adlaw!
3 Pasalamatan ko ikaw sa tunga sang mga kapungsoran, O Ginoo! Dayawon ko ikaw sa tunga sang mga katawuhan!
4 Ang imo mapinadayunon nga gugma nagalambot sa ibabaw sang kalangitan, ang imo katutom sa kahawaan.
5 Ipakita sa langit ang imo pagkagamhanan, O Dios, kag ang imo himaya sa bug-os nga duta!
6 Luwasa kami paagi sa imo kusog; sabta ang akon pangamuyo, agod maluwas ang mga tawo nga imo ginahigugma.
7 Sa iya santuaryo ang Dios nagsiling, "Sa akon pagdaog, pihakon ko ang Siquem, kag ipanagtag ko ang kapatagan sang Sucot sa akon mga tawo.
8 Akon ang Galaad, subong man ang Manases, ang Efraim amo ang akon helmet, kag ang Juda amo ang akon harianon nga setro.
9 Pero pagagamiton ko ang Moab subong akon palanghinawan kag ang Edom himuon ko nga bulotangan sang akon sandalyas. Magahugyaw ako tungod sang pagdaog batok sa Filistia.”
10 Sin-o bala, O Dios, ang magadala sa akon sa siyudad nga napamakuran? Sin-o bala ang magadala sa akon sa Edom?
11 Ginsikway mo gid bala kami? Indi ka bala mag-upod sa amon mga hangaway?
12 Buligi kami sa pagsumpong sang kaaway, kay ang pagbulig sang tawo wala sing pulos!
13 Kon ang Dios magdampig sa aton magadaog kita; lutoson niya ang aton kaaway.
No comments:
Post a Comment