1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150
☆☆☆
Sion, ang Siyudad sang Dios
1 Gamhanan ang GINOO, kag dapat gid dayawon sa siyudad sang aton Dios, sa iya balaan nga bukid.2 Ang Sion, ang bukid sang Dios, mataas kag matahom; ang siyudad sang gamhanan nga hari sini nagadala sing kalipay sa bug-os nga kalibutan!
3 Ang Dios nagapakita nga upod sa iya wala sing katalagman sa sulod sang mga pamakod sang siyudad.
4 Nagtipon ang mga hari kag nagkari sa pagsalakay sang bukid sang Sion.
5 Sang pagkakita nila sini, natingala sila; hinadlukan sila kag nagpalagyo.
6 Didto gindakop sila sang kahadlok kag kasakit, subong sang isa ka babayi nga manugbata.
7 Ginapangguba sang Dios ang dalagku nga mga sakayan sa hangin nga timog.
8 Nakabati kita nahanungod sang mga ginpanghimo sang Dios, kag karon nakita naton ini sa siyudad sang aton Dios, ang GINOO nga Makagagahom; magabantay siya sang siyudad nga indi maano sa wala sing katapusan.
9 Sa sulod sang imo Templo, O Dios, ginpanumdom namon ang imo mapinadayunon nga gugma.
10 Ginadayaw ikaw sang mga tawo bisan diin, kag ang imo pagkabantog nagalapnag sa bug-os nga duta. Matarong ang imo paggahom;
11 magkalipay ang mga pumoluyo sang Sion! Husto ang imo mga paghukom, magkalipay ang mga siyudad sang Juda!
12 Libuta ninyo ang bukid sang Sion, kag isipa ang iya mga tore,
13 tan-awa ang iya mga pader kag usisaa ang iya mga pamakod, agod nga masugiran ninyo ang madason nga kaliwatan
14 nga ining Dios amo ang aton Dios sa wala sing katapusan; sia ang magatuytoy sa aton sa tanan nga tion nga palaabuton.
No comments:
Post a Comment