Mga Salmo 90

1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150

☆☆☆

IKAP-AT NGA LIBRO

(Mga Salmo 90-106)

Nahanungod sa Dios kag sa Tawo

1 Ginoo, ikaw ang amon puloy-an halin sang una.
2 Sa wala pa matuga ang mga bukid, sa wala pa nimo mahimo ang kalibutan, ikaw Dios sa gihapon nga wala sing ginsugoran kag wala sing katapusan.
3 Ginamanduan mo ang mga tawo sa pagbalik sa ila ginhalinan, ginahimo mo sila liwat nga duta.
4 Ang isa ka libo ka tuig para sa imo subong lang sang isa ka adlaw; kaangay lang sila sang kahapon nga nagligad na, subong sang isa ka malip-ot nga takna sa kagab-ihon.
5 Ginaanod mo ang mga tawo subong sang baha; subong sila sang damgo nga wala nagadugay. Subong sila sang hilamon nga nagaulhot kon aga,
6 nagatubo kag nagalagtom, pero pagkahapon nagakalaya kag nagakapatay.
7 Ginalaglag kami sang imo kaakig, ginakugmat kami sang imo kasingkal.
8 Ginapahamtang mo sa imo atubangan ang amon mga sala, ang amon tinago nga mga sala agod imo ini makita.
9 Ang amon kabuhi ginapalip-ot tungod sang imo kaakig, ang amon kabuhi ginatapos subong sang isa ka hutik.
10 Ang kalawigon sang amon kabuhi setenta ka tuig, kon mabakod kami, nagalambot sa otsenta ka tuig, pero ang ila ginadala sa amon kalisdanan kag palaligban gid lang, sa indi madugay ang kabuhi magataliwan, kag wala na kami.
11 Sin-o gid bala ang nakahibalo sang bug-os nga gahom sang imo kaakig? Sin-o ang nakahibalo sang kahadlok nga madala sang imo kasingkal?
12 Tudloi kami kon daw ano kalip-ot sang amon kabuhi, agod nga manginmainandamon kami.
13 O Ginoo, tubtob pa bala san-o ikaw malugpayan? Kaluoyi man ang imo mga alagad!
14 Pun-a kami sa tagsa ka aga sang imo mapinadayunon nga gugma, agod magkanta kag magkalipay kami sa bug-os namon nga kabuhi.
15 Hatagi kami karon sing kalipay subong sang ginhatag mo sa amon nga kalisod, sa sadtong mga tinuig nga may mga palaligban kami.
16 Ipakita sa amon nga imo mga alagad ang imo gamhanan nga mga buhat; sa amon mga kaliwat ipakita ang imo mahimayaon nga gahom.
17 Ginoo nga amon Dios, kabay nga bendisyunan mo kami, kag hatagi kami sing kadalag-an sa tanan nga amon ginahimo! Huo, hatagi kami sing kauswagan sa tanan nga amon ginahimo!

Mga Salmo 89 | Mga Salmo 91