Mga Salmo 65

1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150

☆☆☆

Pagdayaw kag Pagpasalamat

1 O Dios, ang mga tawo dapat magdayaw sa imo sa Sion kag maghatag sa imo sang ila ginsaad,
2 kay ikaw nagasabat sang mga pangamuyo. Ang tanan nga mga tawo magapalapit sa imo
3 tungod sang ila mga sala. Ang amon mga kasaypanan nagadaog sa amon, pero ginapatawad mo sila.
4 Bulahan ang imo mga pinili, nga imo ginadala sa pagpuyo sa imo santuaryo! Mabusog kami sang maayo nga mga butang sa imo balay, ang mga kaayuhan sang imo balaan nga Templo!
5 Ginasabat mo kami, O Dios nga amon manlulowas, kag ginaluwas mo kami sa imo paghimo sang makatilingala nga mga butang. Ang mga katawuhan sa bug-os nga kalibutan kag sa tabok sang malayo nga kadagatan, nagasalig sa imo.
6 Ginapahamtang mo ang mga kabukiran sa ila duog paagi sa imo kusog, sa pagpakita sang imo daku nga gahom.
7 Ginpalinong mo ang dinaguhob sang mga dagat, kag ang kinagahod sang mga balod, ginapahipos mo ang kinagula sang mga katawuhan.
8 Ang bug-os nga kalibutan nagakahadlok, tungod sang dalagku nga mga butang nga imo ginhimo. Ang imo mga binuhatan nagadala sing paghinugyaw halin sa isa ka ukbong sang duta pakadto sa isa.
9 Nagapakita ka sang imo pag-atipan sang duta sa imo pagpadala sang ulan, ginahimo mo ini nga maayo kag mapinatubasan. Ang mga tuboran nga imo ginhatag wala gid nagakahubas, ginapatubo nila ang mga tanom sa duta amo ini ang imo ginhimo.
10 Nagapadala ikaw sing madamo nga ulan sa naarado nga kaumhan kag ginapatubigan nimo ini; ginapahumok mo ang duta sa mga talithi kag ginapatubo mo ang bag-o nga mga tanom.
11 Madamo gid nga patubas ang imo ginahatag tungod sang imo kaayo! Bisan diin ka magkadto may kabuganaan!
12 Ang mga pasto puno sang mga kasapatan, ang kilid sang mga bakulod puno sang kalipay.
13 Ang mga latagon puno sang mga karnero, ang kapatagan puno sang trigo; nagahinugyaw kag nagakanta sila sa kalipay!

Mga Salmo 64 | Mga Salmo 66