Mga Salmo 143

1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150

☆☆☆

Pangamuyo agod Buligan

1 O GINOO, pamatii ang akon pangamuyo, pamatii ang akon mga pag-ampo! Matarong ka kag matutom, gani sabta ako!

2 Indi man paghukmi ako nga imo alagad; kay wala sing isa nga matarong sa imo atubangan.

3 Ang akon kaaway naghingabot sa akon, kag naglutos gid sa akon. Ginbutang niya ako sa madulom nga bilangguan, kag kaangay ako sa ila nga dugay na napatay.

4 Gani sang wala na ako sing sarang mahimo, nadulaan gid ako sing paglaom.

5 Ginadumdom ko ang nagliligad nga mga inadlaw, ginapanumdom ko ang tanan nga imo nahimo, ginahanduraw ko ang tanan mo nga mga binuhatan.

6 Ginabayaw ko ang akon mga kamot sa imo sa pagpangamuyo, kaangay sang mamala nga duta ang akon kalag ginauhaw sa imo.

7 Sabta ako karon, O Ginoo! Nadulaan na ako sang tanan nga paglaom! Indi pagtagoa ang imo kaugalingon sa akon, basi manginkaangay ako sang mga nagapanaog sa duta sang mga patay.

8 Nagasalig ako sa imo; sa kaagahon pahanumdomon mo ako sang imo mapinadayunon nga gugma. Ang akon mga pangamuyo nagalambot sa imo; ipakita sa akon ang dalan nga dapat ko agyan.

9 Nagadangop ako sa imo, O Ginoo, agod apinan mo ako; luwasa ako sa akon mga kaaway.

10 Ikaw ang akon Dios; tudloi ako sa pagtuman sang imo kabubot-on. Kabay ang imo Espiritu magmaayo sa akon kag magtuytoy sa akon sa dalan nga walay katalagman.

11 Luwasa ako, O Ginoo, suno sa imo ginsaad; sa imo kaayo, tabangi ako sa akon mga palaligban!

12 Sa imo paghigugma sa akon, pamatya ang akon mga kaaway, kag laglaga ang tanan nga nagapigos sa akon, kay ako imo alagad. 

Mga Salmo 142 | Mga Salmo 144