1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150
☆☆☆
Paglipay sa Tion sang Kalisod
1 Nagapanawag ako sing mabaskog sa Dios, nagapanawag ako, kag ginapamatian niya ako.2 Sa tion sang kalisod nagapangamuyo ako sa Ginoo, sa bilog nga gab-i ginabayaw ko ang akon mga kamot sa pagpangamuyo, pero ako wala sing naagom nga kalipay.
3 Ginapanumdom ko ang Dios, kag nagapanghayhay ako, nagapamalandong ako, kag nawad-an ako sing paglaom.
4 Wala niya ako ginapatulog; nagpalibog gid ako sa bagay nga indi ako makahambal.
5 Ginapanumdom ko ang mga adlaw nga nagliligad kag ang madugay na nga mga tinuig.
6 Nagpalibog ako sa bug-os nga gab-i, nagapamalandong ako, kag amo ini ang ginapamangkot ko sa akon kaugalingon:
7 “Magapadayon bala ang Ginoo sa pagsikway sa akon? Indi na gid bala sia malipay liwat sa akon?
8 Wala na bala sia nagahigugma sa akon? Indi na bala masaligan ang iya mga saad?
9 Wala na bala ang Dios sing kaluoy? Nabayluhan bala sing kaakig ang iya kaluoy?"
10 Dayon nagsiling ako, "Ang nalainan gid sang akon buot amo nga ang Dios indi na gamhanan."
11 O Ginoo, dumdomon ko ang imo dalagku nga mga binuhatan, sang una.
12 Dumdomon ko ang tanan nga imo ginhimo, pamalandungan ko ang tanan mo nga mga binuhatan.
13 O Dios, ang tanan nga imo ginahimo balaan! Wala sing iban nga dios nga gamhanan subong sa imo!
14 Ikaw amo ang Dios nga nagahimo sang mga milagro; ginpakita mo ang imo kusog sa mga kapungsoran.
15 Sa imo gahom ginluwas mo ang mga tawo, ang mga kaliwat ni Jacob kag ni Jose.
16 Sang makita ikaw sang mga tubig, O Dios, hinadlukan sila, kag ang mga kadadalman sang dagat nagkurog.
17 Ang mga gal-om nagbubo sing ulan, nagpanaguob gikan sa langit, kag nagpangilat sa bisan diin.
18 Ang imo pagdaguob nabatian, kag ang mga kilat nagpasanag sang bug-os nga kalibutan; ang duta nagkurog kag nagtay-og.
19 Naglakat ikaw sa dagat, gintabok mo ang madalom nga mga kalalawran, pero ang agi sang imo mga tiil indi makit-an.
20 Gintuytoyan mo ang imo mga tawo kaangay sang manugbantay sang karnero, nga ginatatap ni Moises kag ni Aaron.
No comments:
Post a Comment