1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150
☆☆☆
Pangamuyo nga may Pagsalig sa Dios
1 Kaluoyi ako, O Dios, kay ginagubat ako; wala untat ang paghingabot sa akon sang akon mga kaaway!2 Sa bug-os nga adlaw ginagubat ako sang akon mga kasumpong. Madamo ang mga nagaaway sa akon.
3 Kon nahadlok ako, O Labing Mataas, nagasalig ako sa imo.
4 Nagasalig ako sa Dios, kag nagadayaw sang iya saad, sa iya nagasalig ako, kag indi na ako magkahadlok. Ano ang mahimo sa akon sang ahaw nga tawo?
5 Ginagamo ako sang akon mga kaaway sa tanan nga ginahimo ko, ang ila lamang ginapanumdom amo ang pagsakit sa akon!
6 Nagahukmong sila sa isa ka palanaguan kag ginabantayan nila ang tanan nga ginahimo ko, sa tuyo nga mapatay nila ako.
7 Siluti sila, O Dios, tungod sang ila kalautan; Iutosa ini nga mga tawo sa imo kaakig!
8 Nakahibalo ikaw kon daw ano ang akon pagkatublag, gintandaan mo ang akon mga paghibi. Wala mo bala ini malista sa imo libro?
9 Sa adlaw nga magpanawag ako sa imo, magaisol ang akon mga kaaway. Nahibaluan ko ini, kay ang Dios nagadampig sa akon!
10 Nagasalig ako sa Dios kag nagadayaw sang iya saad, pagadayawon ko ang saad sang Ginoo.
11 Nagasalig ako sa iya, kag indi na ako magkahadlok. Ano ang mahimo sa akon sang ahaw nga tawo?
12 Ihalad ko sa imo, O Dios, ang akon ginsaad, ihatag ko sa imo ang akon halad sa pagpasalamat,
13 kay ginluwas mo ako sa kamatayon kag wala mo ako ginpalutos. Gani nagalakat ako sa atubangan sang Dios, sa kapawa nga nagasilak sa mga nagakabuhi.
No comments:
Post a Comment