1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150
☆☆☆
Pagdayaw sa Dios nga Makagagahom
1 Dayawa ang GINOO! Maayo ang magkanta sing mga pagdayaw sa aton Dios; manami kag nagakabagay ang pagdayaw sa iya.
2 Ang GINOO nagapatindog liwat sang Jerusalem; ginapabalik niya ang mga bihag.
3 Ginapabakod niya ang nadulaan sing paglaom, kag ginabugkosan niya ang ila mga pilas.
4 Ginpat-od niya ang kadamuon sang mga bituon kag ginatawag niya sila sa ila mga ngalan.
5 Daku kag makagagahom ang aton GINOO; indi matungkad ang iya ihibalo.
6 Ginabayaw niya ang mga mapinauboson, pero ginadugmok niya ang mga malaut sa duta.
7 Magkanta sing mga pagdayaw sa Ginoo; magtukar sing arpa para sa aton Dios.
8 Ginatabunan niya ang langit sing mga panganod; ginapadalhan niya sing ulan ang duta, kag ginapatubo ang hilamon sa mga bakulod.
9 Ginhatagan niya ang mga kasapatan sang ila pagkaon, kag ginatugon niya ang mga buto sang uwak kon sila magsiyak.
10 Ang iya kalipayan indi sa makusog nga mga kabayo, kag ang iya kawilihan indi sa maisog nga soldado.
11 Sa baylo nagakalipay sia sa mga nagatahod sa iya, sa mga nagasalig sa iya mapinadayunon nga gugma.
12 Dayawa ang GINOO, O Jerusalem! Dayawa ang imo Dios, O Sion!
13 Ginabakod niya ang imo mga puwerta; ginahatagan niya sing mga kaayuhan ang imo mga tawo.
14 Ginahilway niya sa mga katalagman ang imo mga dulonan kag ginabusog niya ikaw sang pinakamaayo nga trigo.
15 Nagahatag sia sing mando, kag nagaabot ini gilayon sa duta.
16 Nagapadala sia sing yelo subong kadamol sang bulbol sang karnero, kag ginalapta niya ini subong sang yab-ok.
17 Nagapadala siya sang ulan nga yelo subong sang magamay nga mga bato; wala sing may makaagwanta sang katugnaw nga iya ginapadala!
18 Dayon nagamando sia, kag nagakatunaw ang yelo, nagapadala sia sing hangin, kag ang tubig nagailig.
19 Nagahatag sia sang iya mensahi kay Jacob, sang iya mga pagtudlo kag kasugoan kay Israel.
20 Wala niya ini ginhimo sa iban nga mga kapungsoran; wala sila makahibalo sang iya mga kasugoan. Dayawa ninyo ang GINOO!
No comments:
Post a Comment