1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150
☆☆☆
Pagpasalamat sa Dios kay Sia Matarong
1 Pagadayawon ko ikaw, O GINOO, sa bug-os ko nga tagipusoon, ibantala ko ang tanan mo nga makatilingala nga mga binuhatan. |
| Pagadayawon ko ikaw, O GINOO. (9:1) |
3 kon ikaw magpakita, nagapalagyo ang akon mga kaaway, nagakapukan sila kag nagakalamatay.
4 Subong hukom nga matarong nagalingkod ka sa imo trono kag naghukom ka pabor sa akon.
5 Ginkondenar mo ang mga indi diosnon kag ginlaglag mo ang mga malaut; kag indi na gid sila madumdoman.
6 Nalutos na sing day on ang amon mga kaaway, ginlaglag mo ang ila mga siyudad, kag nalimtan na sila sing dayon.
7 Pero ang GlNOO hari sa walay katubtoban, gin-aman niya ang iya trono sa paghukom.
8 Ginagamhan niya ang kalibutan sing matarong, nagahukom sia sang mga tawo suno sa katarungan.
9 Dalangpan sang mga ginapigos ang GINOO, palanaguan sia sa tion sang kinagamo.
10 Ang mga nakakilala sa imo, O GINOO, magasalig sa imo, kay wala mo ginapatumbayai ang mga nagadangop sa imo.
11 Amba kamo sing mga pagdayaw sa GINOO nga nagagahom sa Sion! Ibantala sa mga kapungsoran ang iya mga binuhatan!
12 Ginadumdom sang Dios ang mga nagaantos; wala niya ginakalimti ang ila pagpangayo sing bulig, kag iya ginasilutan ang nagahimo sing malaut sa ila.
13 Kaluoyi ako, O GINOO! Tan-awa kon daw ano ang pagsakit sang mga nagadumot sa akon. Luwasa ako sa kamatayon, O GINOO,
14 agod makatindog ako sa atubangan sang mga tawo sa Jerusalem kag makasugid sa ila sang mga butang nga gindayaw ko sa imo. Magahugyaw ako kay ginluwas mo ako.
15 Nagkutkot sing tugalbong ang mga indi diosnon kag sila man lang ang nahulog, naghimo sila sing siod kag sila man lang ang nadakop.
16 Ang GINOO nagpahayag sang iya kaugalingon paagi sa iya matarong nga mga paghukom, kag ang mga malaut nasiod sang ila kaugalingon nga binuhatan.
17 Kamatayon ang ginapadulongan sang tanan nga mga malaut, sang tanan nga nagasikway sa Dios.
18 Ang mga makalulooy indi pagkalimtan sing dayon, ang paglaom sang mga ginapigos indi mapaslawan sing dayon.
19 Kari ka, O GINOO! Indi ka magpadaog sa mga tawo! Tipuna ang mga indi diosnon sa atubangan mo kag hukmi sila.
20 Pahadluka sila, O GINOO, pakilalaha sila nga mga tawo lamang sila.
No comments:
Post a Comment