Ang Maayong Balita ni Jesu-Cristo suno kay LUCAS
Panguna
Ang Maayong Balita ni Jesu-Cristo suno kay Lucas nagapakilala kay Jesus subong ginsaad nga Manlulowas sang Israel kag subong nga Manlulowas sang bug-os nga katawuhan. Si Lucas nagsulat nga si Jesus gintawag sang Espiritu sang Ginoo sa “pagwali sang Maayong Balita sa mga imol,” kag ini nga Maayong Balita puno sing kabalaka para sa mga tawo nga may nanglainlain nga kinahanglanon. Ang kasadya makita sa Lucas, ilabi na gid sa nahauna nga mga kapitulo nga nagapahibalo sang pag-abot ni Jesus, kag dayon sa katapusan sang pagkayab ni Jesus sa langit.
Ang maragtas sang pagtubo kag paglapnag sang pagtuloohan nga Cristohanon sa tapos ang pagkayab ni Jesus ginsugid sang amo man nga manunolat sa Binuhatan.
Ang bahin 2 kag 6 (tan-awa sa balayan sang kaundan sa idalom) nagasugid sang mga hitabo nga makita lamang sa sini nga libro, pareho abi sang ambahanon sang mga anghel kag ang pagduaw sang mga manugbantay sang pagkatawo ni Jesus, si Jesus sa Templo sang bata pa sia, kag ang palaanggiran sang Maayo nga Samariahanon kag ang Nadula nga Anak. Sa bug-os nga libro ginahatagan sing pagtalupangod ang pangamuyo, ang Espiritu Santo, ang bahin sang mga babayi sa pag-alagad ni Jesus, kag ang pagpatawad sang Dios sang mga sala.
Balayan sang Kaundan
Panguna 1:1-4
Ang pagkatawo kag pagtubo ni Juan Bautista kag ni Jesus 1:5-2:52
Ang pag-alagad ni Juan Bautista 3:1-20
Ang pagbautiso kag pagsulay kay Jesus 3:21-4:13
Ang pag-alagad ni Jesus sa mga katawuhan sa Galilea 4:14-9:50
Halin sa Galilea pa Jerusalem 9:51-19:27
Ang katapusan nga semana sa Jerusalem kag sa kaingod nga mga duog 19:28-23:56
No comments:
Post a Comment