1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150
☆☆☆
Pangamuyo para sa Kaluwasan sang Pungsod
1 O Dios, ngaa bala ginpatumbayaan mo kami sing subong sini? Magakaakig ka bala sing dayon sa imo kaugalingon nga mga tawo?2 Dumdoma man ang imo mga tawo, nga imo ginpili nga mangin-imo halin pa sang una, ang mga tawo nga imo gintubos agod mangin-imo kaugalingon nga tribo. Dumdoma ang Bukid sang Sion, sa diin ikaw nagpuyo!
3 Kadtoi ining bug-os nga ginub-an. Ang amon mga kaaway nagguba sang tanan nga mga butang sa Templo!
4 Ang imo mga kaaway nagahinugyaw sa pagdaog didto sa Templo, gin-isa nila ang ila bandera didto subong nga tanda sang pagdaog.
5 Kaangay sila sang mga manugkahoy nga nagapulod sang mga kahoy sa ila mga wasay.
6 Ginguba nila sang ila mga wasay kag mga maso ang tanan nga mga bahin sang Templo nga kahoy.
7 Ginsunog nila ang imo Templo, ginpasipakpakan nila ang duog sa diin ikaw ginasimba; ginguba nila ini tanan.
8 Nagpamat-od sila sa paglaglag sa amon sing bug-os; ginsunog nila ang tanan nga balaan nga duog sa duta.
9 Ang tanan namon nga balaan nga mga tanda wala na; wala na sing nabilin nga mga propeta, kag wala sing may makahibalo kon tubtob san-o ini.
10 O Dios, tubtob pa bala san-o ang pagyaguta sa amon sang amon kaaway? Magapasipala bala sila sang imo ngalan sing dayon?
11 Ngaa bala wala ka magbulig sa amon? Ngaa bala nagakrusimano ka lang?
12 Pero ikaw, O Dios, ang amon hari halin pa sa ginsugoran; nagdaog ikaw diri sa duta.
13 Sa imo gamhanan nga kusog ginpihak mo ang dagat kag gindugmok mo ang mga ulo sang dalagku nga mga sapat sa dagat;
14 ginbuka mo ang mga ulo sang daku nga sapat nga Lebiatan, kag ginhatag mo ang iya nga patay nga lawas agod kaunon sang mga tawo nga nagapuyo sa desierto.
15 Ginpailig mo ang mga tuboran kag ang mga sapa, ginpamala mo ang dalagku nga mga suba.
16 Gintuga mo ang adlaw kag ang gab-i, ginpahamtang mo ang adlaw kag ang bulan sa ila kaugalingon nga lugar.
17 Ginpahamtang mo ang mga dulonan sang duta; ikaw ang naghimo sang tig-ilinit kag tigtulognaw.
18 Pero dumdoma O Ginoo, ang imo mga kaaway nga nagayaguta sa imo; nga sila mga buangboang kag nagatamay sa imo.
19 Indi man pagpabay-i ang imo mga tawo nga wala sing ikasarang sa mapintas nila nga mga kaaway, indi man pagkalimti ang imo ginahingabot nga mga tawo!
20 Dumdoma man ang kasugtanan nga imo ginhimo sa amon. May patyanay sa tagsa ka madulom nga bahin sang duta!
21 Indi pag-itugot nga malutos ang mga ginapigos, pero tugoti nga ang mga imol kag ang mga nawad-an magdayaw sa imo.
22 Tindog ka, O Dios, kag apini ang imo kaugalingon nga kawsa! Dumdoma nga ang mga di-diosnon nagayaguta sa imo sa bug-os nga adlaw!
23 Indi pagkalimti ang mga singgit sang imo naakig nga mga kaaway, ang wala nagauntat nga ginahod sang imo mga kasumpong.
No comments:
Post a Comment