1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150
☆☆☆
Panawag agod Tabangan
1 Luwasa ako, O Dios! Tagaliog ko na ang tubig;2 nagasalop ako sa madalom nga lunang, kag wala ako sing matungtongan; yari ako sa madalom nga tubig, kag daw lumson ako sang mga balod.
3 Nakapoy na ako sang pagsinggit sing tabang, nagasakit na ang akon tutonlan; nagamulodlo ang akon mga mata sa pagpaabot sang imo bulig.
4 Ang mga nagadumot sa akon sa wala sing kabangdanan, madamo pa sang sa mga buhok sa akon ulo; ang akon mga kaaway nagasugid sing butig batok sa akon; mga makusog sila kag luyag nila ako patyon. Ginapauli nila sa akon ang mga butang nga wala ko ginkawat.
5 Ang akon mga sala, O Dios, wala matago sa imo; nakahibalo ikaw kon daw ano kabuang sa akon!
6 Indi pagtugoti nga ako magadala sing kahuloy-an sa mga nagasalig sa imo, O Ginoong DIOS nga Makagagahom! Indi pagtugoti nga ako magadala sing kahuloy-an sa mga nagasimba sa imo, O Dios sang Israel!
7 Tungod sa imo ginapasipalahan ako, kag ginpakahuy-an gid ako.
8 Kaangay ako sang dumoluong sa akon mga utod, daw sumalayo ako sa akon panimalay.
9 Ang akon katutom sa imo Templo daw kalayo nga nagadabadaba sa sulod nakon, ang mga pagpasipala nga ginpatuhoy sa imo nagtupa sa akon.
10 Paagi sa pagpuasa ginapaubos ko ang akon kaugalingon, kag ginapasipalahan ako sang mga tawo;
11 nagasuksok ako sang bayu sa paglalaw, kag ginayaguta nila ako.
12 Ginalibak nila ako sa mga dalan, kag ginakumposo ako sang mga hubog.
13 Pero ako akon, magapangamuyo ako sa imo, O GINOO, sabta ako, O Dios, sa tion nga luyag mo, tungod sang imo daku nga gugma, tungod kay ginatuman mo ang imo saad sa pagluwas.
14 Luwasa ako agod indi ako magsalop sa lunang; bantayi ako agod nga indi ako maano sa akon mga kaaway, kag sa madalom nga tubig.
15 Indi pagpalapawa ang baha sa akon, indi pag-itugot nga malumos ako sa kadadalman, ukon magsalop sa lulobngan.
16 Sabta ako, O GINOO, tungod sang kaayo sang imo mapinadayunon nga gugma, balikda ako suno sa imo daku nga kaluoy!
17 Indi ka magpanago sa imo alagad, yari ako sa daku nga kagamo, karon sabta ako!
18 Kari sa akon kag luwasa ako; tabangi ako sa akon mga kaaway.
19 Nakahibalo ikaw kon daw ano ang pagpasipala sa akon, kon daw ano ang pagpakahuya kag pagmulay sa akon, nakita mo ang tanan ko nga mga kaaway.
20 Ang mga pagpasipala nagbuka sang akon tagipusoon, kag wala ako sing may mahimo. Nagpaabot ako nga may maluoy sa akon, pero wala gid; sang paglipay, pero wala gid bisan isa.
21 Sang gingutom ako, ginhatagan nila ako sang hilo; sang gin-uhaw ako, ginhatagan nila ako sang langgaw.
22 Kabay nga ang ila mga piesta manginkabangdanan sang ila kalaglagan; kabay nga ang ila mga pagsaulog, manginkabangdanan sang ila pagkapukan!
23 Bulaga sila agod indi sila makakita; paluyaha ang ila mga likod sa gihapon!
24 Iula ang imo kaakig sa ila; kabay nga malambot sila sang imo kasingkal!
25 Kabay nga bayaan nila ang ila mga kampamento, kag wala sing may mabilin nga buhi sa ila mga tolda.
26 Ginahingabot nila ang mga ginsilutan mo; nagahambal sila nahanungod sang mga pag-antos sang mga ginpilasan mo.
27 Listaha ang ila mga sala; indi sila pagpaambita sang imo kaluwasan.
28 Kabay nga panason ang ila mga ngalan sa libro sang mga buhi; kabay nga indi sila malakip sa listahan sang imo mga tawo.
29 Pero imol ako kag nagaantos sa kasakit, itib-ong ako O Dios, kag luwasa ako!
30 Dayawon ko ang Dios sa isa ka ambahanon, ibantala ko ang iya pagkagamhanan paagi sa pagpasalamat sa iya.
31 Ini magalipay sa GINOO labaw pa sang sa paghalad sa iya sang baka, labaw pa sang sa pagdulot sa iya sang toro nga baka.
32 Kon makita ini sang mga imol, magakalipay sila; ang nagasimba sa Dios mapalig-on.
33 Ang GINOO nagapamati sa mga imol, kag wala niya ginakalimti ang iya mga tawo nga nabilanggo.
34 Dayawa ang Dios, O langit kag duta, O mga dagat kag ang tanan nga mga nagapuyo sa inyo!
35 Luwason niya ang Sion, kag patindugon liwat ang mga banwa sang Juda. Ang iya mga tawo magapuyo didto kag magapanag-iya sang duta;
36 ang mga kaliwat sang iya mga alagad magapanubli sini, kag ang mga nagahigugma sa iya magapuyo didto.
No comments:
Post a Comment