1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150
☆☆☆
Pagpanawag sa Bug-os nga Kalibutan sa Pagdayaw sa Dios
1 Dayawa ninyo ang GINOO! Dayawa ninyo ang GINOO kamo nga yara sa langit, kamo nga nagapuyo sa kahitaasan!
2 Dayawa ninyo sia, tanan kamo nga iya mga anghel, tanan kamo nga iya mga hangaway nga langitnon!
3 Dayawa ninyo sia, adlaw kag bulan; dayawa ninyo sia, nagasiga nga mga bituon!
4 Dayawa ninyo sia, pinakamataas nga mga langit, kag mga tubig sa ibabaw sang langit!
5 Magdayaw sila tanan sang ngalan sang Ginoo! Nagmando sia, kag sila natuga;
6 sa iya mando nahamtang sila sa ila mga duog sa walay katubtoban, kag indi sila makalalis.
7 Dayawa ninyo ang Ginoo, kamo nga yara sa duta, kamo nga dalagku nga mga sapat sang dagat kag mga kadadalman sang dagat;
8 kilat kag ulan nga yelo nga daw mga bato, yelo kag mga panganod, mabaskog nga mga hangin nga nagatuman sang iya sugo!
9 Dayawa ninyo sia, mga bakulod kag mga bukid, nagapamunga nga mga kahoy kag mga kagulangan;
10 tanan nga mga sapat, anta kag talunon, mga sapat nga nagasaog kag mga kapispisan!
11 Dayawa ninyo sia, mga hari kag tanan nga mga katawuhan, mga prinsipe kag tanan nga mga pangulo,
12 mga soltero kag mga dalaga, mga tigulang kag mga bata man!
13 Magdayaw sila tanan sa ngalan sang GINOO. Ang iya ngalan gamhanan sa tanan nga mga ngalan; ang iya himaya yara sa ibabaw sang duta kag langit!
14 Ginpabakod niya ang iya pungsod, gani ang tanan niya nga mga tawo nagadayaw sa iya, ang mga tawo sang Israel, nga mahal gid sa iya! Dayawa ninyo ang GINOO!
No comments:
Post a Comment