1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150
☆☆☆
Pangamuyo agod Apinan
1 Luwasa ako, O Dios, sa malaut nga mga tawo, tipigi ako sa mapintas nga mga tawo.
2 Nagapadugi sila sa gihapon sang kalautan, masunson nagapadihot sila sing mga inaway.
3 Ang ila mga dila kaangay sang dalitan nga mga man-og, ang ila mga pulong kaangay sang dalit sang kobra nga man-og.
4 Apini ako, O Ginoo, sa gahom sang malaut; tipigi ako sa mapintas nga mga tawo, nga nagapadugi sang akon pagkalutos.
5 Ang bugalon nga mga tawo nagbutang sing siod sa akon, naghumlad sila sing mga lambat nga lubid, kag nagbutang sila sing mga siod sa alagyan sa pagdakop sa akon.
6 Nagasiling ako sa Ginoo, "Ikaw ang akon Dios." Pamatii man ang akon pagpangayo sing bulig, O Ginoo!
7 O Ginoo nga akon Dios, makusog ko nga manlulowas, gin-apinan mo ako sa adlaw sang inaway.
8 O Ginoo, indi pag-ihatag sa mga malaut ang ila Iuyag, indi pag-itugot nga magmadinalag-on ang ila malaut nga padugi!
9 Indi pagtugoti nga magmadinalag-on ang akon mga kaaway, himoa nga ang ila malain nga plano batok sa akon magtupa sa ila.
10 Kabay nga ang masingkal nga mga baga mahulog sa ila, kabay nga ihaboy sila sa buho kag indi na gid makahalin didto.
11 Kabay nga ang mga nagasumbong sa iban sing binutig mapaslawan, kabay nga ang kalautan mag-abot sa mapintas nga tawo kag maglaglag sa iya.
12 Nahibal-an ko nga ikaw, O Ginoo, nagaapin sa mga imol, kag sang kinamatarong sang mga nawad-an.
13 Matuod gid nga ang mga matarong magadayaw sa imo; magakabuhi sila sa imo atubangan.
No comments:
Post a Comment