Mga Salmo 141

1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150

☆☆☆

Pangamuyo sa Kagab-ihon

1 Nagapanawag ako sa imo, O GINOO,  buligi ako gilayon! Pamatii ako kon magpanawag ako sa imo.

2 Batuna ang akon pangamuyo subong sang insyenso, ang akon nabayaw nga mga kamot subong sang halad sa kagab-ihon.

3 O GINOO, butangi sing bantay ang akon baba, isa ka gwardya sa ganhaan sang akon mga bibig.

4 Ipahilayo sa akon ang handom sa paghimo sing malaut, ukon sa pag-upod sa malaut nga mga tawo sa ila mga kalautan. Kabay indi ako makapakigbahin sa ila mga punsyon!

5 Ayhan ang isa ka maayo nga tawo magasilot kag magasaway sa akon para sa akon kaayuhan, pero indi ko pagpahanugotan ang malaut nga mga tawo sa paghaplas sing lana sa akon ulo, kay nagapangamuyo ako sing masunson batok sa ila malaut nga mga buhat.

6 Kon ang ila mga pangulo ihaboy sa mga pil-as nga batuhon, ang mga tawo magakilala nga ang akon mga pulong matuod.

7 Kaangay sang kahoy nga ginbial sing magamay, amo man ang ila mga tul-an ginlapta sa bibi sang lulobngan.

8 Pero ako, O GINOONG Dios, nagapadayon sa pagsalig sa imo; nagadangop ako sa imo, indi pag-itugot nga mapatay ako!

9 Luwasa ako sa mga siod nga ginbutang nila para sa akon; sa mga tiglapak sang mga nagahimo sing kalautan.

10 Kabay nga ang mga malaut madakpan sang ila kaugalingon nga mga siod, samtang ako makalikaw sini.

Mga Salmo 140 | Mga Salmo 142