Mga Salmo 132

1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150

☆☆☆

Pagdayaw sang Puloy-an sang Dios

1 O GINOO, indi pagkalimti si David kag ang tanan niya nga mga binuhatan.

2 Dumdoma, O GINOO, ang iya ginsaad, ang iya panumpa sa imo, ang Gamhanan nga Dios sang Israel:

3 “Indi ako magpauli ukon maghigda;

4 indi ako magpahuway ukon magtulog,

5 tubtob makahatag ako sing duog para sa GINOO, isa ka puloy-an para sa Gamhanan nga Dios san Israel.”

6 Nakabati kami sa Bethlehem nahanungod sang Kaban sang Kasugtanan, kag nakita namon ini sa latagon sang Jaar.

7 Nagsiling kami, “Makadto kita sa balay sang GINOO; masimba kita sa atubangan sang iya trono!”

8 Kari ka sa imo palahuwayan, O GINOO, upod sa imo Kaban sang Kasugtanan, ang tanda sang imo gahom.

9 Kabay ang imo mga pari magbantala nga ikaw nagaluwas sang imo mga tawo; kabay ang imo mga tawo maghugyaw sa kalipay!

10 Nagsaad ka sa imo alagad nga si David, indi pagsikwaya ang imo pinili nga hari, O GINOO!

11 Indi mo pagbawion ang imo panumpa kay David, nga nagasiling: “Himuon ko nga hari ang isa sang imo mga anak nga lalaki, kag magahari sia dason sa imo.

12 Kon ang imo mga anak nga lalaki magtuman sang akon kasugtanan, kag sa mga sugo nga ginhatag ko sa ila, ang ila man mga anak nga lalaki magahari sa imo trono sa tanan nga panahon.

13 Ginpili sang GINOO ang Sion, kay luyag sia maghimo sang iya puloy-an didto;

14 “Diri ako magapuyo sa walay katubtoban, diri ako luyag maggahom.

15 Hatagan ko sing bugana ang Sion sang tanan niya nga mga kinahanglanon; busgon ko ang iya mga imol sang pagkaon.

16 Bendisyunan ko ang iya mga pari sa tanan nga ila ginahimo, kag ang iya mga tawo magakanta kag magahinugyaw sa kalipay.

17 Diri himuon ko ang isa sang mga kaliwat ni David nga mangindaku nga hari, diri padayunon ko ang paggahom sang pinili ko nga hari.

18 Pakahuy-an ko ang iya mga kaaway, pero ang iya ginharian magauswag kag magadaku.”

Mga Salmo 131 | Mga Salmo 133