1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150
☆☆☆
Ang Dios nga Hukom
1 Nagadayaw kami sa imo, O Dios, nagadayaw kami sa imo! Ginabantala namon kon daw ano ang imo pagkagamhanan, kag ginasugid namon ang makatilingala nga mga butang nga imo ginhimo!2 Ang Dios nagsiling, "May gintalana ako nga tion sa paghukom, kag magahukom ako sing matarong.
3 Bisan ang duta kag ang tanan nga nagapuyo sa sini magakawala, pagapalig-onon ko ang iya mga sadsaran.
4 Ginasingganan ko ang mga bugalon nga indi sila magpahambog, kag ang mga malaut nga indi sila magpabugal,
5 ginasingganan ko sila nga mag-untat sa pagpadayawdayaw, kag indi na sila magpahambog."
6 Ang paghukom wala nagagikan sa sidlangan ukon sa nakatundan, sa aminhan ukon sa bagatnan,
7 ang Dios amo ang nagahukom, nagapaubos sang iban kag nagabayaw sang iban.
8 Ang Ginoo nagauyat sing kupa sa iya kamot, nga puno sing bag-o nga bino nga tama kaisog; ginatagay niya ini, kag ang tanan nga mga malaut nagainom sini, ginainom nila ini tubtob sa katapusan nga tulo.
9 Pero indi ako mag-untat sa paghambal nahanungod sang Dios ni Jacob, ukon sa pagkanta sing mga pagdayaw sa iya.
10 Pagagub-on niya ang gahom sang malaut, pero ang gahom sang matarong pagadugangan.
No comments:
Post a Comment