Mga Salmo 86

1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150

☆☆☆

Pangamuyo agod Buligan

1 Pamatii ako, O GINOO, kag sabta ako, kay maluya ako kag wala sing ikasarang.
2 Luwasa ako sa kamatayon, kay ako mainunongon sa imo, luwasa ako,  kay ako imo alagad kag nagasalig ako sa imo.
3 Ikaw amo ang akon Dios, gani kaluoyi ako, O Ginoo, nagapangamuyo ako sa imo sa bug-os nga adlaw.
4 Lipaya man ang imo alagad, O Ginoo, kay ang akon pangamuyo nagalambat sa imo.
5 O Ginoo, maayo ka kag mapinatawaron, puno sang mapinadayunon nga gugma sa tanan nga nagapangamuyo sa imo.
6 Pamatii man, O Ginoo, ang akon pangamuyo, dungga ang akon pagpangayo sing bulig.
7 Nagapanawag ako sa imo sa mga tion sang kagamo, kay ginasabat mo ang akon pangamuyo.
8 Wala sing iban nga dios kaangay sa imo, O Ginoo, wala sing isa nga makahimo sang imo sarang mahimo.
9 Ang tanan nga mga kapungsoran nga imo gintuga magakari kag magaluhod sa imo. Magadayaw sila sang imo pagkagamhanan.
10 lkaw gamhanan kag nagahimo sang makatilingala nga mga butang; ikaw lamang amo ang Dios.
11 Tudloi ako, O Ginoo, sang luyag mo nga himuon ko, kag ako magatuman sa imo sing may katutom, tudloi ako sa pag-alagad sa imo sa bug-os nga pagkatutom.
12 Magadayaw ako sa imo sa bug-os ko nga tagipusoon, O Ginoo nga akon Dios; ibantala ko ang imo pagkagamhanan sa walay katapusan.
13 Daw ano kadaku sang imo mapinadayunon nga gugma para sa akon! Ginluwas mo ako gikan sa kadadalman sang lulobngan.
14 O Dios, ang mga bugalon nagapakari sa pagsumpong sa akon, may guban sang mapintas nga mga tawo nga nagatinguha sa pagpatay sa akon, mga tawo nga wala nagasapak sa imo.
15 Apang ikaw, O Ginoo, maluloy-on ka kag mahigugmaon nga Dios, indi madali mangakig, malulo kag matutom sa gihapon.
16 Balik kag kaluoyi ako; pabakura kag Iuwasa ako, kay ako nagaalagad sa imo subong sang ginhimo sang akon iloy.
17 Pamatud-i sa akon ang imo kaayo, O Ginoo, dayon ang mga nagadumot sa akon magakahuya, kon ila makita nga ikaw nagalipay kag nagabulig sa akon.

Mga Salmo 85 | Mga Salmo 87