1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150
☆☆☆
Pangamuyo agod Buligan
1 Kaluoyi ako, O Dios, kaluoyi man ako, kay nagapalapit ako sa imo agod indi ako maano. Sa landong sang imo mga pakpak magapanago ako, tubtob nga wala na ang tanan nga katalagman.2 Nagapanawag ako sa Dios, ang Labing Mataas, sa Dios nga nagahatag sang tanan ko nga kinahanglanon.
3 Gikan sa langit pagasabton niya ako kag Iuwason, pagalutoson niya ang mga nagasalakay sa akon. Ang Dios magapakita sa akon sang iya mapinadayunon nga gugma kag pagkatutom.
4 Nagahigda ako sa tunga sang mga leon, nga handa sa pagkaon sang mga tawo. Ang ila mga ngipon kaangay sang mga bangkaw kag mga baslay, ang ila mga dila kaangay sang matalom nga mga espada.
5 Ipakita sa langit ang imo pagkagamhanan, O Dios, kag ang imo himaya sa bug-os nga duta!
6 Nagladlad ang akon mga kaaway sang lambat sa pagdakop sa akon; kag kinulbaan gid ako. Nagkutkot sila sing tugalbong sa akon alagyan, pero sila man lang ang nahulog didto.
7 Handa ako, O Dios; handa na gid ako! Magakanta ako kag magadayaw sa imo!
8 Magbugtaw ka, O kalag ko! Magbugtaw kamo, O arpa kag lira ko! Pukawon ko ang adlaw!
9 Magpasalamat ako sa imo, O Ginoo sa tunga sang mga kapungsoran! Dayawon ko ikaw sa tunga sang mga katawuhan!
10 Ang imo mapinadayunon nga gugma nagalambot sa kalangitan, ang imo katutom sa kahawaan.
11 Ipakita sa langit ang imo pagkagamhanan, O Dios, kag ang imo himaya sa bug-os nga duta!
No comments:
Post a Comment