1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150
☆☆☆
Ang Kahidlaw sa Balay sang Dios
1 Daw ano ang akon paghigugma sa imo Templo, O Dios nga Makagagahom!2 Daku gid ang akon handom sa pagkadto didto! Ginahidlaw ako sa pagsulod sa Templo sang GINOO. Ang akon kabug-osan nagaamba nga may kalipay sa buhi nga Dios.
3 Bisan ang mga maya nagahimo sang ila pugad, kag ang mga salimbabatang may kaugalingon nga puloy-an; ginabutang nila ang ila mga boto malapit sa imo mga altar, GINOO nga Makagagahom, akon hari kag akon Dios.
 |
| Bisan ang mga maya nagahimo sang ila pugad. (84:3) |
5 Bulahan sila nga ang ila mga kusog nagagikan sa imo, yadtong nagahandom gid sa pagbuylog sa mga mainampuon pakadto sa bukid sang Sion.
6 Sang nagalatas sila sang mamala nga kapatagan sang Baca nanginduog ini sang mga tuboran; ang nahauna nga ulan nagahimo sini nga mga danaw.
7 Nagabaskog sila samtang nagapanglakatan sila, makita nila sa Sion ang Dios sang mga dios!
8 Pamatii ang akon pangamuyo, O GINOONG Dios nga Makagagahom, pamatii, O Dios ni Jacob!
9 Bendisyuni ang amon hari, O Dios, ang hari nga imo ginpili!
10 Ang isa ka adlaw sa imo Templo maayo pa sang sa isa ka libo ka mga adlaw sa luwas, maayo pa nga ako magapabilin sa puwerta sang balay sang akon Dios sang sa magpuyo sa mga balay sang mga malaut.
11 Ang GINOO aton mangangapin kag mahimayaon nga hari, nga nagahatag sa aton sing kaayuhan kag kadungganan. Wala niya ginadumili ang bisan ano nga maayo nga butang sa mga nagahimo sing matarong.
12 Bulahan ang mga nagasalig sa imo, O Dios nga Makagagahom!
No comments:
Post a Comment