1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150
☆☆☆
Pangamuyo agod Luwason sa mga Kaaway
1 O Dios, luwasa man ako sa akon mga kaaway, apini ako sa mga nagagubat sa akon!2 Luwasa ako sa sadtong malaut nga mga tawo, tabangi ako sa sadtong mga manugpatay!
3 Tan-awa! Nagahulat sila sa pagpatay sa akon! Ang mabangis nga mga tawo nagahimbon batok sa akon. Indi tungod sang sala ukon malain nga akon nahimo,
4 indi tungod sang akon kasaypanan, O Ginoo, nga sila nagadalidali sa pagbantay batok sa akon.
5 Bangon ka, GINOO Dios nga Makagagahom, palapit ka man sa pagtabang sa akon, ikaw gid ang magtan-aw, O Dios sang Israel! Magmata ka kag siluti ang mga kapungsoran, indi pagkaluoyi inang malaut nga mga traidor!
6 Nagabalik sila kon gab-i, nga nagangurob subong sang mga ido sa ila paglibot sa siyudad.
7 Pamatii ang ila ginapanghambal! Ang ila mga dila kaangay sang mga espada sa ila mga baba, pero nagapamangkot pa sila, “Sin-o bala ang magapamati sa aton?”
8 Pero ginakadlawan mo lang sila, O GINOO, ginayaguta mo lang ang tanan nga mga kapungsoran!
9 O mangangapin ko, ginaapinan mo ako, O Dios, ikaw ang dalangpan ko.
10 Ang akon Dios, nga nagahigugma sa akon, magakari sa akon; ipakita niya sa akon ang pagkalutos sang akon mga kaaway.
11 Indi sila pagpamatya, O Dios, agod nga indi malipat ang akon mga tawo. Paalaplaaga sila kag laglaga sila sang imo gahom, O GINOO, nga amon mangangapin!
12 Ang sala yara sa ila mga bibig; malaut ang tanan nila nga ginapanghambal; kabay nga madakop sila sa ila pagkabugalon! Kay nagapasipala sila kag nagabutig,
13 laglaga sila sa imo kaakig; papasa sila. Dayon ang tanan nga mga tawo makahibalo nga ang Dios nagagahom sa Israel, nga ang iya paggahom nagasakop sang bug-os nga kalibutan!
14 Ang akon mga kaaway nagabalik kon gab-i, nga nagangurob subong sang mga ido sa ila paglibot sa siyudad.
15 Nagalibot sila sa pagpangita sang pagkaon, kag nagayamo kon indi sila mabusog.
16 Pero magakanta ako nahanungod sang imo gahom, sa tagsa ka aga magakanta ako nahanungod sang imo mapinadayunon nga gugma. Ikaw nangindalangpan ko, palanaguan sa tion sang kinagamo.
17 Dayawon ko ikaw, akon mangangapin; ang akon dalangpan amo ang Dios, ang Dios nga nagahigugma sa akon.
No comments:
Post a Comment