Mga Salmo 42

1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150

☆☆☆

IKADUHA NGA LIBRO

(Mga Salmo 42-72)

Ang Pangamuyo sang Isa ka Tawo nga Nabihag

1 Subong sang usa nga ginahidlaw sang mabugnaw nga tubig sa sapa, subong man ang pagkahidlaw ko sa imo, O Dios.
2 Ginauhaw ako sa imo, O Dios nga buhi, san-o pa bala ako makakadto sa pagsimba sa imo atubangan?
3 Sa adlaw kag gab-i nagahibi ako, kag mga luha lamang ang akon kalan-on, sa tanan nga tion ginapamangkot ako sang akon mga kasumpong, “Diin na bala ang imo Dios?”
4 Daw mabuka ang akon tagipusoon kon madumdoman ko ang mga nagliligad, sang nagaupod ako sa kadam-an pakadto sa balay sang Dios, kag ginpangulohan ko sila samtang nagalakat sila, malipayon nga kadam-an nga nagakanta kag nagahugyaw sa pagdayaw sa Dios.
5 Ngaa bala nagapangasubo gid ako? Ngaa bala nga natublag gid ako? Magalaom ako sa Dios, kag sa liwat dayawon ko sia, manlulowas ko kag Dios ko.
6 Daw mabuka ang akon tagipusoon, gani dumdomon ko sia, sa pagbihag sa akon sa kadutaan sang Jordan, malapit sa Bukid sang Hermon kag Bukid sang Misar, dumdomon ko sia.
7 Ang mga kadadalman sang dagat nagatawganay, kag ang mga busay sang Dios nagahuganas! Subong sila sang mga balod sang kalisdanan nga iya ginapabaha sa akon kalag.
8 Kabay nga ipakita sang Ginoo adlaw-adlaw ang iya mapinadayunon nga gugma! Kabay nga mag-amba ako sing pagdayaw sa iya kada gab-i, kag magpangamuyo sa Dios nga nagahatag sa akon sang kabuhi.
9 Sa Dios, nga akon mangangapin, nagasiling ako, “Ngaa bala ginkalimtan mo ako? Ngaa bala magpadayon ako sa pag-antos sa kapintas sang akon mga kaaway?"
10 Daw matunaw ako tungod sang ila mga pagpasipala, samtang nagapadayon sila sa pagpamangkot sa akon, “Diin na bala ang imo Dios?"
11 Ngaa bala nagapangasubo gid ako? Ngaa bala natublag gid ako? Magalaom ako sa Dios, kag sa liwat dayawon ko sia, Manlulowas ko kag Dios ko.

Mga Salmo 41 | Mga Salmo 43