1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150
☆☆☆
Ang Pangamuyo sang Tawo nga Nagaantos
1 O Ginoo, indi ka magkaakig sa imo pagsabdong sa akon! Indi ako pagsiluti sa imo kaakig!2 Ginsilutan kag ginpilas mo ako; ginpukan mo ako.
3 Nagmasakit ako sing grabe tungod sang imo kaakig; ang bug-os ko nga lawas nagbalatian tungod sang akon mga sala.
4 Naglumoslumos ako sa akon mga sala nga nagabaha; nagbuloktot ako tungod sang ila kabug-at.
5 Tungod sang akon kabuangan, ang akon mga hubag nagabuswang kag nagbaho.
6 Nagbuloktot ako, kag napintalan; nagpangalisod ako sa bug-os nga adlaw.
7 Mataas ang akon hilanat, kag nagrabe ako.
8 Napintalan gid ako kag nalutos; natublag ang akon tagipusoon kag nagaugayong ako sa kasakit.
9 O Ginoo, nahibaluan mo ang akon ginahandom; nabatian mo ang akon mga pag-ugayong.
10 Nagakubakoba ang akon dughan, ang akon kusog nadula, kag malubog na ang akon mga mata.
11 Ang akon mga abyan kag kasilingan indi na magpalapit sa akon, tungod sang akon mga hubag; bisan ang akon mga himata nagpalayo sa akon.
12 Ginabutangan ako sing siod sang mga luyag magpatay sa akon, kag ang luyag magsakit sa akon nagpamahog nga laglagon nila ako; sa bug-os nga adlaw nagahimbon sila batok sa akon.
13 Kaangay ako sang bungol nga indi makabati, kaangay sang apa nga indi makahambal,
14 kaangay ako sang tawo nga wala nagsabat, kay indi sia makabati.
15 Nagasalig ako sa imo, O Ginoo; kag ikaw, O Ginoo nga akon Dios, magasabat sa akon.
16 Indi pagtugoti ang akon mga kaaway indi sila pagtugoti nga magapabugal sa akon pagkapukan!
17 Daw mapukan na gid ako, kag wala nagauntat ang akon pag-antos.
18 Ginatuad ko ang akon mga sala, kag napun-an ako sing kasubo tungod sang akon mga kalautan.
19 Mabakod kag makusog ang akon mga kaaway; madamo ang nagadumot sa akon sa walay kabangdanan.
20 Ang mga nagabalos sing malaut sa maayo batok sa akon kay nagahimo ako sing matarong.
21 Indi ako pagpatumbayai, O Ginoo, indi ka magpalayo sa akon, O Dios ko!
22 Karon buligi ako, O Ginoo nga akon manlulowas!
No comments:
Post a Comment