1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150
☆☆☆
Pangamuyo sang Matarong nga Tawo
1 Ipahayag man, O Ginoo, nga ako wala sing sala, kay matarong ang ginahimo ko kag nagasalig gid ako sa imo sing bug-os.2 Usisaa kag tilawi ako, O Ginoo; hukmi ang akon mga handom kag mga hunahona.
3 Ang imo mapinadayunon nga gugma nagatuytoy sa akon, ang imo pagkamatutom nagaubay sa akon sa gihapon.
4 Wala ako nagaupod sa wala sing pulos nga mga tawo, wala ako nagasapak sa mga salimpapaw.
5 Kontra ko ang pag-upod sa malaut nga mga tawo kag ginalikawan ko ang mga malain.
6 Ginoo, nagapanghinaw ako sang akon mga kamot sa pagpakita nga wala ako sing kag nagalibot ako sa imo altar sa pagsimba.
7 Nagakanta ako sang ambahanon sang pagpasalamat, kag ginasugid ko ang tanan nimo nga makatilingala nga mga binuhatan.
8 O Ginoo, ginahigugma ko ang balay nga imo ginapuy-an, ang duog sa diin yara ang imo himaya.
9 Indi man ako paglaglaga upod sa mga makasasala, ilikaw ako sa kapalaran sang mga manugpatay,
10 mga tawo nga nagahimo sing malaut sa tanan nga tion, kag handa sa gihapon sa paghamham.
11 Ako akon nagahimo sing matarong, kaluoyi man ako kag luwasa.
12 Indi ako maano sa tanan nga mga katalagman, sa katilingban sang mga nagasimba dayawon ko ang Ginoo!
No comments:
Post a Comment