Mga Salmo 83

1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150

☆☆☆

Ang Pangamuyo agod Malutos ang mga Kaaway sang Israel

1 O Dios, indi ka maghipos; indi ka magpakuribong ukon magpahimuyong, O Dios!
2 Tan-awa! Ang imo mga kaaway nagakinagubot, kag ang mga nagadumot sa imo nagapakigsumpong sa imo.
3 Nagaplano sila sing tago batok sa imo mga tawo, nagahimbon sila batok sa imo mga ginaapinan.
4 Nagasiling sila, "Kari kamo, laglagon naton ang ila pungsod, agod ang Israel malimtan sa wala sing katapusan!"
5 Naghisugot sila sa ila plano, kag nagkasugot sila sa pagtingob batok sa imo:
6 ang mga tawo sang Edom, kag ang mga Ismaelinhon; ang mga tawo sang Moab, kag ang mga Agarnon;
7 ang mga tawo sang Gebal, Amon, kag Amalec, sang Filistia kag sang Tiro.
8 Ang Asiria nagbuylog man sa ila, subong isa ka makusog nga kabulig sang mga kaiiwat ni Lot.
9 Himoa sa ila ang imo ginhimo sa mga Midianhon, kag sa kay Sisera kag kay Jabin sa Suba sang Cison,
10 nga nalutos sa Endor, kag ang ila mga bangkay nagkaladunot sa duta.
11 Himoa sa ila mga heneral ang imo ginhimo kay Oreb kag kay Zeeb, lutosa ang ila nga mga pangulo subong sang imo ginhimo kay Seba kag kay Zalmuna
12 nga nagasiling, "Agawon ta kag angkunon ang duta nga iya sang Dios.”
13 O Dios ko, palaptaha sila subong sang yab-ok, subong sang dagami nga ginapalid sang hangin.
14 Subong nga ang kalayo nagasunog sang kagulangan, subong nga ang dabdab nagasunog sang bukid,
15 subong man lagsa sila sang imo bagyo kag pakulbai sila sang imo mabaskog nga hangin.
16 Pun-a ang ila mga guya sang kahuya, O Ginoo, agod maghandom sila sa pag-alagad sa imo.
17 Kabay nga malutos sila kag makugmat sa gihapon, kabay nga mapatay sila sa tuman nga kahuloy-an!
18 Kabay nga makilala nila nga ikaw gid lang amo ang Ginoo, ang labaw sa tanan nga manuggahom sa bug-os nga duta!

Mga Salmo 82 | Mga Salmo 84