Mga Salmo 72

1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150

☆☆☆

Pangamuyo para sa Hari

1 Tudloi ang hari sa paghukom suno sa imo pagkamatarong, O Dios, ipaambit sa iya ang imo kaugalingon nga katarungan,
2 agod magahari sia sa imo mga tawo suno sa katarungan, kag magagahom sing matarong sa mga imol.
3 Kabay ang duta makaagom sang kauswagan, kabay nga makaagom ini sang katarungan.
4 Kabay ang hari maghukom sing nagakaigo sa mga imol, kabay nga magbulig sia sa mga nawad-an kag maglutos sa mga nagapamigos!
5 Kabay ang imo mga tawo magsimba sa imo tubtob nagasilak pa ang adlaw, tubtob nagasanag ang bulan sa tanan nga panahon.
6 Kabay ang hari manginkaangay sang ulan sa mga talamnan, kaangay sang talithi nga nagatupa sa duta.
7 Kabay nga sa iya panahon magluntad ang pagkamatarong, kag ang kauswagan magpadayon samtang nagasanag ang bulan.
8 Ang iya ginharian magalambot halin sa isa ka dagat tubtob sa isa, halin sa Suba Eufrates tubtob sa ukbong sang duta.
9 Ang mga katawuhan sang desierto magaluhod sa iya atubangan; ang iya mga kaaway magahapa sa duta.
10 Ang mga hari sa Espanya kag sang mga isla magahatag sa iya sing mga regalo; ang mga hari sang Arabia kag Etiopia magadala sa iya sing mga dulot.
11 Ang tanan nga mga hari magaluhod sa iya atubangan, ang tanan nga mga pungsod magaalagad sa iya!
12 Ginaluwas niya ang mga imol nga nagapanawag sa iya, kag ang mga nawad-an kag mga pinatumbayaan.
13 May kaluoy sia sa mga maluya kag imol, ginaluwas niya ang kabuhi sang mga nawad-an.
14 Ginaluwas niya sila gikan sa pagpigos kag kapintas, ang ila mga kabuhi mahal sa iya.
15 Mabuhay ang hari! Kabay nga hatagan sia sing bulawan gikan sa Arabia; kabay nga pangamuyoan sia sa tanan nga tion, kabay nga bendisyunan sia sang Dios sa gihapon!
16 Kabay nga magdamo ang patubas sang duta, kabay nga ang mga bakulod mapuno sing mga tanom, kag mapatubason subong sang sa Libano. Kabay nga ang mga siyudad mapuno sang mga pumoluyo, subong sang hilamon nga nagatubo sa mga latagon.
17 Kabay nga ang ngalan sang hari indi gid pagkalimtan; kabay ang iya pagkabantog magpadayon subong sang adlaw. Kabay nga ang tanan nga mga pungsod magdayaw sa iya, kabay nga ang tanan nga mga tawo magpangayo sa Dios nga bendisyunan sila, subong sang iya pagbendisyon sa hari.
18 Dayawon ang Ginoo, ang Dios sang Israel, nga sia gid lang ang nagahimo sining makatilingala nga mga butang!
19 Dayawon ang iya mahimayaon nga ngalan sa walay katapusan, kag kabay nga ang iya himaya magpuno sang bug-os nga duta! Kabay pa! Kabay pa!
20 Amo ini ang katapusan sang mga pangamuyo ni David, ang anak ni Jesse.

Mga Salmo 71 | Mga Salmo 73