Mga Salmo 98

1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150

☆☆☆

Ang Dios amo ang Manuggahom sang Kalibutan

1 Magkanta sing bag-o nga ambahanon sa GINOO kay nakahimo sia sang makatilingala nga mga butang! Paagi sa iya kaugalingon nga gahom kag balaan nga kusog, nagdaog sia.
2 Ginbantala sang GINOO ang iya pagdaog, ginpakilala niya sa mga pungsod ang iya gahom sa pagluwas.
3 Gintuman niya ang iya saad sa mga tawo sang Israel, nga may mapinadayunon nga gugma kag pag-unong sa ila. Ang tanan nga katawuhan bisan diin nakakita sang pagdaog sang aton Dios!
4 Magkanta kamo sa kalipay sa GINOO, O bug-os nga duta; dayawa sia sa mga ambahanon kag mga paghinugyaw!
5 Magkanta kamo sing mga pagdayaw sa GINOO nga ginaupdan sang mga arpa, magtukar kamo sang sonata sa mga arpa!
6 Upod sa mga trumpeta kag mga korneta, maghinugyaw kamo sa atubangan sang GINOO, ang hari!
7 Magdaguhob ka, O dagat, kag tanan nga tinuga nga yara sa imo; magkanta ka, O duta, kag tanan nga nagapuyo dira sa imo!
8 Magpamalakpak kamo, O mga kadagatan; O mga kabakuloran, magkanta kamo sing tingob sa kalipay sa atubangan sang Ginoo,
9 kay nagakari sia sa paggahom sa duta! Pagagamhan niya ang tanan nga katawuhan sang kalibutan suno sa katarungan kag kamatuoran.

Mga Salmo 97 | Mga Salmo 99