Mga Salmo 80

1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150

☆☆☆

Pangamuyo sa Pagpanumbalik sang Pungsod

1 Pamatii kami, O Manugbantay sang Israel, pamatii kami, O pangulo sang imo panong. Sa nagalingkod ikaw sa imo trono sa ibabaw sang mga kerubin,
2 ipakita man ang imo gugma sa tribo sang Efraim, Benjamin, kag Manases! Ipakita sa amon ang imo kusog; kari kag luwasa kami!
3 Pabalika kami, O Dios! Ipakita sa amon ang imo gugma, kag maluwas kami!
4 Tubtob san-o pa bala, O GINOONG Dios nga Makagagahom, nga ikaw magakaakig sa mga pangamuyo sang imo mga tawo?
5 Ginhatagan mo kami sing mga luha nga amon kalan-on, isa ka daku nga kupa nga may mga luha nga ilimnon.
6 Gintugtan mo ang kaingod nga mga pungsod sa pag-inagaway sang amon duta, kag ginayaguta kami sang amon mga kaaway.
7 Pabalika kami, Dios nga Makagagahom! Ipakita sa amon ang imo gugma, kag maluwas kami!
8 Nagdala ikaw sing isa ka balagon sang ubas gikan sa Egipto, gintabog mo ang iban nga mga pungsod kag gintanom mo ini sa ila duta.
9 Naghawan ikaw sing isa ka duog, agod ini magtubo, nagpanggamot ini sing madalom, kag nagpangalakap sa bug-os nga duta.
10 Ang iya landong nagtabon sa mga bakulod, kag ang iya mga sanga nagkabod sa dalagku nga mga sedro.
11 Naglambot ang iya mga sanga tubtob sa Dagat sang Mediteraneo, kag tubtob sa Suba Eufrates.
12 Ngaa bala ginguba mo ang mga kudal sa palibot niya? Karon ang bisan sin-o nga nagaagi makapanguha sang iya mga bunga,
13 ang mga baboy nga talunon nagatasak sini, kag ginakaon ini sang tanan nga mga sapat nga talunon.
14 Talupangda kami, O Dios nga Makagagahom! Gikan sa langit, tamda kami; kari kag luwasa ang imo balagon sang ubas!
15  Kari kag luwasa ining balagon nga ikaw gid ang nagtanom, ining linghod nga balagon nga ginpatubo mo sing mabakod!
16 Gintutdan ini sang amon mga kaaway, kag ila gintapas, tuloka sila sing masakit kag laglaga sila!
17 Apini kag tipigi ang imo pinili nga mga tawo, ang pungsod nga imo ginpabakod!
18 Indi na gid kami magbiya liwat sa imo; buhia kami, kag magadayaw kami sa imo.
19 Pabalika kami, O GINOONG Dios nga Makagagahom! Ipakita sa amon ang imo gugma, kag maluwas kami!

Mga Salmo 79 | Mga Salmo 81