1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150
☆☆☆
Paghandom sa Dios
1 O Dios, ikaw ang akon Dios, ginahidlaw ako sa imo. Ang akon bug-os nga kaugalingon nagahandom gid sa imo, ang akon kalag ginauhaw sa imo, kaangay sang kigas, lamgod, kag namalhan nga duta.2 Tugoti ako nga makita ko ikaw sa santuaryo, ipakita sa akon ang imo pagkagamhanan kag pagkamahimayaon.
3 Ang imo mapinadayunon nga gugma maayo pa sang sa kabuhi, gani dayawon ko ikaw.
4 Tubtob nga buhi ako magapasalamat ako sa imo; bayawon ko ang akon mga kamot sa pagpangamuyo sa imo.
5 Ang akon kalag magapaayaw-ayaw kag mabusog, kag magakanta ako sa imo sang masadya nga mga ambahanon sa pagdayaw.
6 Samtang nagahigda ako ginadumdom ko ikaw, sa bilog nga gab-i yara ka sa akon panghunahona,
7 kay ikaw ang nagabulig sa akon sa gihapon. Sa landong sang imo mga pakpak nagakanta ako sa kalipay.
8 Nagakapyot ako sa imo, kag ginauyatan mo ako sing malig-on agod indi ako maano.
9 Ang nagatinguha sa pagpatay sa akon magapanaog sa duta sang mga patay,
10 magakalamatay sila sa inaway, kag ang ila mga bangkay kaunon sang mga lobo.
11 Ang hari magalipay sa Dios magakalipay ang tanan nga nagasaad sa ngalan sang Dios, pero pahipuson ang mga baba sang mga butigon.
No comments:
Post a Comment