1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150
☆☆☆
Pagpasalamat sang Hari sa Dios tungod sang Iya Pagdaog
1 Dayawon ang Ginoo nga akon mangangapin; ginahanas niya ako para sa pagpakig-away, kag ginahanda niya ako para sa inaway.
2 Sia ang akon mangangapin kag mananabang, akon palalipdan kag manlulowas, sa iya nagasalig ako nga indi ako maano. Ginatugyan niya ang mga pungsod sa akon paggahom.
3 O Ginoo, ano bala ang tawo, nga gintalupangod mo sia, ang ahaw nga tawo, nga ginasapak mo sia?
4 Kaangay sia sa isa ka huyop sang hangin; ang iya mga inadlaw kaangay sang umalagi nga landong.
5 O Ginoo, abrihi ang langit, kag magpanaog ka, tanduga ang mga bukid kag magaaso sila.
6 Padalhi sing mga kilat, kag paalaplaaga ang imo mga kaaway, ipana ang imo mga baslay, kag padalagana sila!
7 Untaya ang imo kamot gikan sa ibabaw, sagupa ako sa madalom nga tubig, kag luwasa ako; luwasa ako sa gahom sang mga dumoluong,
8 nga wala gid nagasugid sang kamatuoran, kag nagabutig bisan sa ila pagsumpa.
9 Magaamba ako sa imo sing isa ka bag-o nga ambahanon, O Dios, magatukar ako sang arpa kag magakanta sa imo.
10 Ginapadaog mo ang mga hari, kag ginatabangan mo ang imo alagad nga si David.
11 Luwasa ako sa akon mapintas nga mga kaaway, tabangi ako sa gahom sang mga dumoluong, nga wala gid nagasugid sang kamatuoran, kag nagabutig bisan sa ila pagsumpa.
12 Kabay nga ang amon mga anak nga lalaki samtang pamatan-on pa sila manginkaangay sang mga tanom nga nagatubo sing mabakod. Kabay nga ang amon mga anak nga babayi manginkaangay sang mga estatwa, nga nagapuni sang mga pamusod sang palasyo.
13 Kabay nga ang amon mga tambubo mapuno sang tanan nga sahi sang patubas. Kabay nga ang mga karnero sa amon latagon magpamata sing linibulibo.
14 Kabay nga ang amon mga baka magmuad sing madamo, nga wala sing mahar-asan ukon mapatay. Kabay nga wala sing nagapanalambiton sa amon mga dalan!
15 Bulahan ang pungsod nga amo ini ang iya kahimtangan; bulahan ang mga tawo nga ang ila Dios amo ang Ginoo!
No comments:
Post a Comment