Mga Salmo 50

1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150

☆☆☆

Ang Matuod nga Pagsimba

1 Ang makagagahom nga Dios, ang GINOO, nagahambal, nagapanawag sia sa bug-os nga duta, halin sa sidlangan pa nakatundan.
2 Ang Dios nagabanaag gikan sa Sion, ang siyudad nga himpit sa iya katahom.
3 Ang aton Dios nagakari, pero indi sa hipos lang, nagauna sa iya ang nagaharahara nga kalayo, ginalibutan sia sang isa ka mabaskog nga bagyo.
4 Ginatawag niya ang mga langit kag ang duta nga mga saksi sa pagtan-aw sang iya paghukom sang iya mga tawo.
5 Nagasiling sia, “Tipona sa akon ang matutom ko nga mga tawo, ang mga naghimo sing kasugtanan sa akon paagi sa isa ka halad.”
6 Ginapahayag sang kalangitan nga ang Dios matarong, nga sia gid amo ang hukom!
7 “Pamati kamo, mga tawo ko, kag magahambal ako, magasaksi ako batok sa imo, O Israel. Ako ang Dios, ang imo Dios.
8 Wala ako nagasaway sa imo tungod sang imo mga halad kag sang mga halad nga sinunog nga imo pirme ginahalad sa akon.
9 Wala ako kinahanglan sang toro nga mga baka gikan sa inyo mga pastuhan, ukon mga kanding gikan sa inyo mga kahayupan,
10 tungod kay akon ang mga kasapatan sang katalunan, kag ang mga baka sa linibo ka mga kabakuloran.

Akon ang mga kasapatan sang katalunan. (50:10)

11 Akon ang tanan nga mga kapispisan sa talon kag ang tanan nga nagakabuhi sa latagon.
12 “Kon ginagutom ako indi ko ikaw pagsugiran, tungod kay akon ang kalibutan kag ang tanan nga ara sa iya.
13 Nagakaon bala ako sang karne sang baka, ukon nagainom sang dugo sang kanding?
14 Ihalad sa Dios ang mga pagpasalamat, kag ihatag sa Makagagahom ang tanan nga dulot nga inyo ginsaad.
15 Tawga ako kon mag-abot ang kalisdanan; luwason ko ikaw, kag dayawon mo ako.”
16 Pero nagasiling ang Dios sa malaut, “Ngaa bala ginapabutyag mo ang akon mga sugo? Ngaa bala nagahambal ka nahanungod sang akon kasugtanan?
17 Indi ka magpatudlo sa akon, ginasikway mo ang akon mga sugo.
18 Kon makita mo ang isa ka makawat, nagapakig-abyan ka sa iya, kag nagapakig-upod ka sa mga nagapanginbabayi kag nagapanginlalaki.
19 “Handa ka sa tanan nga tion sa paghambal sing malain, maabtik ka magbinutig.
20 Handa ka sa pagsumbong bisan pa sang imo mga utod, kag imo sila ginapangitaan sing sala.
21 Ini tanan ginhimo mo, kag naghipos lang ako, gani nagpanghunahona ka nga kaangay ako sa imo. Pero karon sabdungon ko ikaw, kag ipaathag ini nga butang sa imo.
22 “Pamatii ini, ikaw nga wala nagasapak sa akon, kay kon indi, laglagon ko ikaw; kag wala sing may makaluwas sa imo.
23 Ang mga pagpasalamat amo ang halad nga nagapadungog sa akon, kag luwason ko gid ang tanan nga nagatuman sa akon.”

Mga Salmo 49 | Mga Salmo 51