Mga Salmo 115

1  2  3  4  5  6  7  8  9  10  11  12  13  14  15  16  17  18  19  20  21  22  23  24  25  26  27  28  29  30  31  32  33  34  35  36  37  38  39  40  41  42  43  44  45  46  47  48  49  50  51  52  53  54  55  56  57  58  59  60  61  62  63  64  65  66  67  68  69  70  71  72  73  74  75  76  77  78  79  80  81  82  83  84  85  86  87  88  89  90  91  92  93  94  95  96  97  98  99  100  101  102  103  104  105  106  107  108  109  110  111  112  113  114  115  116  117  118  119  120  121  122  123  124  125  126  127  128  129  130  131  132  133  134  135  136  137  138  139  140  141  142  143  144  145  146  147  148  149  150

☆☆☆

Ang Isa lamang ka Matuod nga Dios

1 Sa imo lamang, O GINOO, sa imo lamang, kag indi sa amon, dapat ihatag ang himaya, tungod sang imo mapinadayunon nga gugma kag katutom.
2 Ngaa ang mga kapungsoran magpamangkot sa amon, “Diin bala ang inyo Dios?”
3 Ang amon Dios yara sa langit, nga nagahimo sang luyag niya.
4 Ang ila mga dios nahimo sa pilak kag bulawan, nga ginhimo sang mga kamot sang tawo.
5 May mga baba sila, apang indi makahambal, kag mga mata, pero indi makakita.
6 May mga dulonggan sila, pero indi makabati, kag mga ilong, pero indi makasimhot.
7 May mga kamot sila, pero indi makatandog, kag mga tiil, Pero indi makalakat, indi sila makahambal.
8 Kabay nga ang mga naghimo sa ila kag ang tanan nga nagasalig sa ila, manginkaangay sang diosdios nga ila ginhimo!
9 Mga tawo sang Israel, magsalig kamo sa GINOO! Ginabuligan kag ginaapinan niya kamo.
10 Mga pari sang Dios, magsalig kamo sa GINOO! Ginabuligan kag ginaapinan niya kamo.
11 Tanan kamo nga nagatahod sa iya, magsalig sa Ginoo! Ginabuligan kag ginaapinan niya kamo.
12 Ang Ginoo nagadumdom sa aton kag magabendisyon sa aton; pagabendisyunan niya ang mga tawo sang Israel, kag ang tanan nga mga pari sang Dios.
13 Pagabendisyunan niya ang tanan nga nagatahod sa iya, ang dalagku kag ang magamay nga wala sing pinilian.
14 Kabay ang Ginoo maghatag sa inyo sing mga kabataan—kamo kag ang inyo mga kaliwat.
15 Kabay nga bendisyunan kamo sang GINOO, nga nagtuga sang langit kag duta!
16 Ang langit iya sang GINOO lamang, pero ginhatag niya ang duta sa mga tawo.
17 Ang Ginoo wala ginadayaw sang mga patay, sang bisan sin-o nga nagapanaog sa Iulobngan.
18 Pero kita nga mga buhi magapasalamat sa iya, karon kag sa walay katapusan. Dayawa ang Ginoo!

Mga Salmo 114 | Mga Salmo 116