1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150
☆☆☆
Ang Pagtuad kag ang Pagpatawad sang Sala
1 Bulahan ang tawo nga ang iya mga sala ginpatawad, nga ang iya mga paglapas ginpanas.2 Bulahan ang tawo nga wala ginasumbong sang GINOO nga nakahimo sing malaut nga binuhatan, nga hilway sa tanan nga paglimbong.
3 Sang wala ko matuad ang akon mga sala, nagapalanghuyos ako tungod sang akon paghibi sa bug-os nga adlaw.
4 GINOO, ginsilutan mo ako sa adlaw kag gab-i, nawad-an gid ako sing kusog, subong sang tun-og nga ginpamala sang init sa tingadlaw.
5 Dayon ginkilala ko ang akon mga sala sa imo, wala ko gintago ang akon mga kasaypanan. Nagtapat ako sa pagtuad sang akon mga sala sa imo, kag ginpatawad mo ang akon mga paglapas.
6 Gani ang imo matutom nga mga tawo dapat magpangamuyo sa imo sa tion sang kinawad-on; kon ang daku nga baha mag-abot nga nagasagana, indi ini makalambot sa ila.
7 Ikaw ang akon palanaguan; imo ako pagaluwason sa kalalat-an. Nagakanta ako sing mabaskog sang imo kaluwasan, kay imo ako ginaapinan.
8 Ang GINOO nagasiling, “Tudloan ko ikaw sang dalan nga imo pagaagyan; tudloan ko ikaw kag laygayan.
9 Indi ka magpatig-a sang imo ulo subong sang kabayo ukon mula, nga ginaanta paagi sa renda kag bokado, agod nga magtuman sila sa imo.”
10 Ang malaut dapat mag-antos, pero ang mga nagasalig sa GINOO magaangkon sang iya mapinadayunon nga gugma.
11 Tanan kamo nga mga matarong, magkalipay kag maghinugyaw, tungod sang mga binuhatan sang GINOO! Tanan kamo nga nagatuman sa iya, magsinggit sa kalipay!
No comments:
Post a Comment